Heilsugæslan í Efra-Breiðholti auglýsir eftir hjúkrunarfræðingi í 80-100% ótímabundið starf. Æskilegt er að viðkomandi geti hafið störf þann 1. mars nk. eða eftir nánara samkomulagi. Góð aðlögun er í boði.
Á heilsugæslustöðinni eru starfandi sérfræðingar í heimilislækningum ásamt hjúkrunarfræðingum, sálfræðingum, ljósmæðrum, sjúkraliða, hreyfistjóra, klínískum lyfjafræðingi og riturum. Heilsugæslan Efra Breiðholti þjónar fyrst og fremst íbúum Efra-Breiðholts en öllum er frjálst að skrá sig á stöðina. Mikil þróunarvinna er í gangi og stöðugt er unnið að því að bæta þjónustu við skjólstæðinga.
Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).
Megin starfssvið er heilsueflandi móttaka, heilsuvernd aldraðra ásamt almennri móttöku á heilsugæslustöð. Heilsueflandi móttaka felur í sér mat á heilsu skjólstæðinga og þörf þeirra á heilsueflingu. Lögð er áhersla á einstaklingsmiðaða nálgun, stuðning við breytingar og raunhæfa markmiðasetningu. Í heilsuvernd eldra fólks eru m.a. greindir áhættuþættir, fræðsla um heilsueflingu, metin þörf og leiðbeint um hjálpar-/stoðtæki og þjónustuúrræði. Teymisvinna er með öðrum starfsmönnum stöðvarinnar eftir þörfum. Hjúkrunarmóttakan er mjög víðtæk, allt frá símaráðgjöf til bráðaþjónustu. Móttakan sinnir fólki á öllum aldri og skiptist í opna móttöku, bókaða móttöku og símaráðgjöf.
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.
Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80-100%
Umsóknarfrestur er til og með 23.01.2023
Vildís Bergþórsdóttir
–
[email protected]
–
821-2160
Sjúkraliði í heimahjúkrun – Neskaupstaður – Heilsugæsla – SUMARAFLEYSING 2023 Heilbrigðisstofnun Austurlands (HSA) óskar eftir að ráða sjúkraliða í sumarafleysingar...
Sækja um starfSálfræðingar – Sálfræðiþjónusta á Landspítala Sálfræðiþjónusta Landspítala vill ráða til starfa 10 metnaðarfulla og sjálfstæða sálfræðinga með góða samskiptafærni sem...
Sækja um starfHjúkrunarfræðingar og hjúkrunarnemar óskast á Móberg hjúkrunarheimili HSU á Selfossi Hjúkrunarfræðingar og hjúkrunarnemar óskast til starfa á glænýtt hjúkrunarheimili, Móberg,...
Sækja um starfSjúkraliði – Egilsstaðir – Hjúkrunarheimilið Dyngja – SUMARAFLEYSING 2023 Heilbrigðisstofnun Austurlands (HSA) óskar eftir að ráða sjúkraliða á Hjúkrunarheimilinu Dyngju...
Sækja um starfSjúkraliði í fast starf á HSN Húsavík Heilbrigðisstofnun Norðurlands (HSN) Húsavík óskar eftir sjúkraliða í fast starf á sjúkradeild HSN...
Sækja um starfHjúkrunarfræðingur – Meðferðareining geðrofssjúkdóma Spennandi starf og fjölskylduvænn vinnutími í þverfaglegu teymi á meðferðareiningu geðrofssjúkdóma Metnaðarfullur hjúkrunarfræðingur óskast til starfa...
Sækja um starf