Viltu vera hluti af góðri liðsheild? Fullt starf

Faxaflóahafnir sf. óska eftir að ráða hafnsögumenn, skipstjóra, vélstjóra og hafnarverði í afleysingar sumarið 2023 í hafnarþjónustu.

Starf hafnsögumanns felst í leiðsögu og hafnsögu skipa auk annarra verkefna tengdum hafnarþjónustu við viðskiptavini.

Starf skipstjóra felst í skipstjórn á dráttarbátum Faxaflóahafna auk annarra verkefna tengdum hafnarþjónustu við viðskiptavini.

Starf vélstjóra felst í vélstjórn dráttarbáta, viðhaldi dráttarbáta sem sinna þarf hverju sinni, afgreiðslu rafmagns auk annarra tilfallandi verkefna
tengdum hafnarþjónustu við viðskiptavini.

Starf hafnarvarðar felst í móttöku á skipum, umhirðu hafnarsvæða, afgreiðslu vatns auk annarra tilfallandi verkefna tengdum hafnarþjónustu
við viðskiptavini.

Faxaflóahafnir sf. er stærsta höfn landsins þar sem starfa um 80 manns og er umráðasvæði hennar í Reykjavík, Akranesi, Grundartanga og
Borgarnesi. Fyrirtækið leggur áherslu á að vera leiðandi í umhverfis-og öryggismálum auk þess að vera í vegferð að þróa snjallar og grænar hafnir.

Hæfniskröfur hafnsögumanns

• Skipstjórnarréttindi D – skipstjóri á skipum af ótakmarkaðri stærð

• Reynsla af siglingum fraktskipa

• Öryggisnám Slysavarnarskóla sjómanna

• Góð íslensku-, ensku- og tölvukunnátta

Hæfniskröfur vélstjóra

• Vélstjóraréttindi VF1

• Reynsla af yfirvélstjórn skipa

• Öryggisnám Slysavarnarskóla sjómanna

• Góð íslensku-, ensku- og tölvukunnátta

Hæfniskröfur skipstjóra

• Skipstjórnarréttindi B – skipstjóri á skipum að 45 metrum

• Þekking og reynsla af skipstjórn á dráttarbát með Azimuth

stjórnbúnaði nauðsynleg

• Öryggisnám Slysavarnarskóla sjómanna

• Góð íslensku-, ensku- og tölvukunnátta

Hæfniskröfur hafnarvarða

• Gilt ökuskírteini

• Öryggisnám Slysavarnarskóla sjómanna er kostur

• Gild vinnuvélaréttindi er kostur

• Gild vigtarréttindi eru kostur

Þar sem í gildi eru ákvæði laga um hafnavernd þá er óskað eftir að umsækjandi geti lagt fram sakavottorð.

Öll kyn eru hvött til að sækja um en fyrirtækið hefur skýr jafnréttismarkmið og vill auka fjölbreytileika í starfsliði sínu. Starfsstöð er í Reykjavík.
Nánari upplýsingar um starfið gefur Gísli Jóhann Hallsson yfirhafnsögumaður gisli@faxafloahafnir.is

Umsókn ásamt ferilskrá sendist til Faxaflóahafna sf., á netfangið olafur@faxafloahafnir.is, eigi síðar en föstudaginn 3. febrúar n.k.

Starfamerkingar: faxaflóahafnir, Hafnsögumaður, skipstjóri, Vélstjóri