Í húsinu eru alls 72 þjónustuíbúðir í einkaeigu sem og félagslegar þjónustuíbúðir. Húsnæðið skiptist í 2 íbúðaeiningar, Hlíf I með 30 íbúðir og Hlíf II þar sem eru 42 íbúðir. Jafnframt er í húsinu aðstaða stuðningsþjónustu, dagdeild, tómstundaþjónusta, setustofur með bókasafni, matarþjónusta, þvottahús, þjónusta fótaaðgerðafræðings, hársnyrting, bankaþjónusta, aðstaða og starfsemi Félags eldri borgara og þjónusta heimahjúkrunar.

Húsfélag Hlífar – heild, auglýsir laust til umsóknar 100% starf forstöðumanns á Hlíf. Leitað er eftir öflugum og drífandi einstaklingi sem sýnir metnað og frumkvæði í starfi. Gert er ráð fyrir að viðkomandi geti hafið störf sem fyrst. Stjórn húsfélagsins fer með hlutverk næsta yfirmanns forstöðumanns. Forstöðumaður er yfirmaður starfsfólks í ræstingu á Hlíf. Aðstaða fyrir forstöðumann verður góð, m.a. aðstaða til fundahalda með stjórn og fleira.

Starfið felur m.a. í sér:

·         Samskipti við fjölda íbúa sem býr í 72 íbúðum á Hlíf I og Hlíf II

·         Samvinnu við fólk sem stýrir margs konar þjónustu á Hlíf

·         Samvinnu við starfsmenn eignasjóðs Ísafjarðarbæjar

·         Samvinnu við starfsmenn velferðarsviðs Ísafjarðarbæjar

·         Mikil tækifæri til aðkomu að þróun í þjónustu

·         Mikil samskipti við ólíka hópa og einstaklinga

Meginverkefni

·         Ábyrgð á rekstri og mikil samvinna við stjórn húsfélagsins

·         Ábyrgð á gerð fjárhagsáætlunar fyrir Hlíf í samvinnu við stjórn húsfélagsins

·         Ábyrgð á innra starfi, starfsmannamálum, samskiptum við íbúa, aðstandendur og samstarfsstofnanir

·         Eftirlit og stýring á viðhaldi byggingarinnar og gerð áætlana um viðhaldsverkefni

·         Stýring og þróun langtímaáætlana um viðhald byggingarinnar

·         Samskipti við fyrirtæki sem stýrir rekstri eignarinnar og bankastofnun sem annast innheimtur

·         Yfirferð og samþykkt reikninga sem heyra undir starfsemina

Menntun og hæfniskröfur

·         Menntun í iðnfræðum eða önnur menntun sem nýtist í starfi

·         Góð reynsla og þekking á rekstri stórra eininga

·         Reynsla og þekking á málefnum aldraðra

·         Reynsla og þekking í stjórnun æskileg

·         Gott frumkvæði, sjálfstæði í vinnubrögðum og góð skipulagsfærni

·         Framúrskarandi  hæfni í mannlegum samskiptum

·         Gott vald á íslensku í ræðu og riti

·         Hreint sakavottorð

Launakjör eru samkomulagsatriði.

Umsóknarfrestur er til og með 6. júlí 2020.  Umsóknum skal skilað til Baldurs Inga Jónassonar mannauðsstjóra Ísafjarðarbæjar á baldurjo@isafjordur.is. Með umsókn skal fylgja ferilskrá og kynningarbréf. Umsókn getur gilt í 6 mánuði.

Nánari upplýsingar um starfið veita Axel Rodriguez Överby, sviðsstjóri umhverfis- og eignasviðs Ísafjarðarbæjar í síma 450-8000 eða netfangið axelov@isafjordur.is, Margrét Geirsdóttir, sviðsstjóri velferðarsviðs Ísafjarðarbæjar í síma 450-8000 eða netfangið margret@isafjordur.is og Guðjón Bjarnason, stjórnarmaður í húsfélagi Hlífar II í síma 864-3703 eða netfangið gudjon.isholm@gmail.com

Við hvetjum áhugasama, óháð kyni, til að sækja um starfið.  Öllum umsóknum verður svarað þegar ákvörðun um ráðningu hefur verið tekin.