Innskrá
Búa til aðgang
Læknir í Transteymi Landspítala
Við leitum að lækni sem hefur áhuga á að taka þátt í að efla og þróa þjónustu Transteymis á Landspítala. Um er að ræða spennandi starf þar sem unnið er í þverfaglegu teymi þvert á sérgreinar. Mikil uppbygging er framundan í teyminu og mun læknir taka virkan þátt í að þróa þjónustuna í samvinnu við ýmsa samstarfs- og hagsmunaaðila.
Læknir verður virkur þátttakandi í mótun framtíðarsýnar og eflingu Transteymis Landspítala. Unnið er að fjölbreyttum umbótaverkefnum og bjóðast margvísleg tækifæri til starfsþróunar.
Starfshlutfall 100%, dagvinna og er starfið laust frá 10. apríl 2023 eftir samkomulagi.
Helstu verkefni og ábyrgð
- Þátttaka í þverfaglegri vinnu Transteymis
- Læknisþjónusta við notendur Transteymis
- Þróun heilbrigðisþjónustu á þverfaglegum grundvelli
- Þátttaka í umbóta-, gæða- og vísindastarfi
Hæfniskröfur
- Brennandi áhugi á málefnum trans einstaklinga
- Faglegur metnaður, sjálfstæð vinnubrögð og góðir samskiptahæfileikar
- Hæfni til að þróa og aðlaga heilbrigðisþjónustu að fjölbreyttum þörfum notenda
- Áhugi á að starfa í þverfaglegu teymi
- Frumkvæði, drifkraftur og áreiðanleiki
- Íslenskt lækningaleyfi er skilyrði og sérfæðileyfi í almennum lyflækningum, innkirtlalækningum, heimilislækningum, geðlækningum eða annarri sérgrein lækningar er æskilegt.
- Góð íslensku- og enskukunnátta er skilyrði
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum.
Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Öllum umsóknum verður svarað.
Starfsmerkingar: Heilbrigðisþjónusta, læknir,
Starfshlutfall er -100%
Umsóknarfrestur er til og með 31.03.2023
Nánari upplýsingar veitir
Nanna Briem, Frakvæmdastjóri
–
[email protected]
Tómas Þór Ágústsson, Framkvæmdastjóri
–
[email protected]
