Landvarsla á Breiðamerkursandi Fullt starf NÝTT

Landvarsla á Breiðamerkursandi

Vatnajökulsþjóðgarður auglýsir störf landvarða á austurhluta suðursvæðis í vetur. Í boði eru fjórar stöður landvarða. Svæðið nær frá Breiðamerkursandi í vestri til Hoffellsjökuls í austri. Á svæðinu má bæði finna fjölsótta ferðamannastaði á borð við Jökulsárlón, en einnig má þar finna faldar náttúruperlur og vinsæl göngusvæði.
Starfsfólki á Breiðamerkursandi býðst að búa á Hrollaugsstöðum í Suðursveit, en þaðan er um 20 mínútna akstur á Jökulsárlón, og um 40 mínútna akstur á Höfn.
 

Helstu verkefni og ábyrgð

Á Breiðamerkursandi starfa landverðir við fjölbreyttar aðstæður, bæði niðri við sjó og uppi við jökul. Landverðir á Breiðamerkursandi sinna ýmsum verkefnum, svo sem fræðslu, upplýsingagjöf og eftirliti. Einnig þurfa þeir að vera tilbúnir til þess að sinna ræstingum og öðrum tilfallandi verkefnum á svæðinu öllu. Stór hluti starfsins felst í eftirliti við skriðjökla. Menntun eða reynsla af jöklaferðum er því kostur.
Æskilegt er að umsækjendur geti hafið störf þann 1. september 2022, eða sem fyrst eftir þann tíma.
 

Hæfniskröfur

• Þjónustulund, samskiptahæfni, stundvísi og umhverfisvitund
• Geta til að vinna undir álagi
• Landvarðaréttindi  og að hafa lagt stund á náttúrutúlkun
• Geta til að tileinka sér þekkingu á þjóðgarðinum og nærsvæðum hans
• Gott vald á íslensku og ensku. Frekari tungumálakunnátta er kostur
• Almenn ökuréttindi. Reynsla af akstri breyttra jeppa er kostur
• Færni í miðlun upplýsinga
• Verkþekking
• Sjálfstæð vinnubrögð
• Menntun og reynsla af ferðum á skriðjökla er kostur
• Fyrstuhjálparréttindi eru kostur
• Störf á friðlýstum svæðum og starf við leiðsögn, reynsla af útivist og fjallamennsku er kostur.
   

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Í rafrænu umsókninni, undir liðnum „Annað sem þú vilt að komi fram“, þurfa að koma fram eftirfarandi upplýsingar:

1. Réttindi og hæfni sem varða: 
  a. Landvarðaréttindi (hvaða ár og hvaðan) 
  b. Fyrstuhjálparréttindi (hvaða ár og hvaðan) 
  c. Tungumálakunnátta 
  d. Ökuréttindi
  e. Önnur reynsla sem umsækjandi telur að gagnist honum í starfi 
3. Hversu lengi umsækjandi gefur kost á sér til starfsins (lokadagsetning). 
4. Annað sem viðkomandi vill koma á framfæri. 
 

Umsækjendur eru hvattir til að hengja ferilskrá við rafrænu umsóknina.

Við hvetjum öll áhugasöm til að sækja um óháð kyni og uppruna. 

Starfshlutfall er 100%

Umsóknarfrestur er til og með 08.08.2022

Nánari upplýsingar veitir

Steinunn Hödd Harðardóttir, þjóðgarðsvörður
–
[email protected]
–
470 8332
Sigurður Óskar Jónsson, aðstoðarmaður þjóðgarðsvarðar
–
[email protected]
–
470 8333

Smelltu hér til að sækja um starfið