Vilt þú taka þátt í því að byggja upp sterka liðsheild í nýjum grunnskóla á Selfossi?

Stekkjaskóli er nýr grunnskóli á Selfossi sem tekur til starfa næsta haust með um 150 nemendum í 1.-4. bekk. Fullbyggður verður skólinn fyrir um 500 nemendur í 1.-10. bekk. Í Stekkjaskóla verður lögð áhersla á teymiskennslu, teymisvinnu, fjölbreytta kennsluhætti og jákvæðan skólabrag. Starfsmenn skólans munu taka þátt í stefnumörkun hans sem tekur meðal annars mið af menntastefnu Árborgar sem byggir á hugmyndinni um skólann sem lifandi lærdómssamfélag.

Í Sveitarfélaginu Árborg búa rúmlega 10 þúsund manns og lögð er áhersla á öflugt skóla- og frístundastarf og góða velferðarþjónustu. Skólar og aðrar deildir fjölskyldusviðs vinna að því að styrkja heildstæða nærþjónustu við börn, foreldra og skóla. Áhersla er lögð á snemmtækan stuðning, góð tengsl skóla og skólastiga og skólaþróunarverkefni sem unnin eru í anda lærdómssamfélagsins. Leitað er að metnaðarfullum einstaklingum sem búa yfir þekkingu, reynslu og áhuga á skólastarfi.

Hér með eru auglýstar ýmsar fjölbreyttar og áhugaverðar stöður fyrir skólaárið 2021-2022.

• Deildarstjóri stoðþjónustu – 100% stöðuhlutfall með 75% stjórnunarumfangi
• Umsjónarkennarar – átta stöður í 100% stöðuhlutfalli
• Íþróttakennari – 100% stöðuhlutfall
• List- og verkgreinakennarar – tvær 100% stöður list- og verkgreinakennara
• (myndmennt, textílmennt, hönnun og smíði, heimilisfræði)
• Tónmenntakennari – 50% stöðuhlutfall
• Sérkennari – 100% stöðuhlutfall
• Matráður- 100% stöðuhlutfall
• Matráðar – tvær stöður í 50% stöðuhlutfalli
• Skólaritari – 100% stöðuhlutfall
• Stuðningsfulltrúar – fimm stöður í 75% stöðuhlutfalli
• Yfirþroskaþjálfi – 100% stöðuhlutfall

Umsóknarfrestur er til og með 14. mars 2021.

Nánari upplýsingar um störfin er að finna á ráðningarvef sveitarfélagsins; starf.arborg.is.

Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Nánari upplýsingar veita Hilmar Björgvinsson, skólastjóri, hilmarb@stekkjaskoli.is, s: 480-1601 og 863 0922 og Ástrós Rún Sigurðardóttir, aðstoðarskólastjóri, astros@stekkjaskoli.is, s: 480-1602.

Umsókn ásamt fylgigögnum skal skila í gegnum ráðningarvef sveitarfélagsins starf.arborg.is.