Leikskólafulltrúi óskast til Garðabæjar Fullt starf

Í Garðabæ eru starfandi 17 leikskólar, 7 grunnskólar og einn tónlistarskóli. Skólar í Garðabæ mynda samstæða heild sem stuðla að því að jafnræði sé í menntun barna og ungmenna.

Leikskólafulltrúi tekur þátt í innleiðingu á Menntastefnu Garðabæjar. Hann er næsti yfirmaður leikskólastjóra og hefur yfirumsjón með starfi leikskóla á vegum sveitarfélagsins. Hann ber ábyrgð á faglegri stjórnun, rekstri og samskiptum við leikskóla sveitarfélagsins. Hann vinnur að þróunar- og nýsköpunarverkefnum með skólum og öðrum aðilum sem koma að uppeldi og menntun barna í bænum. Leikskólafulltrúi veitir skólasamfélaginu ráðgjöf og stuðning.

Leikskólafulltrúi vinnur ásamt leikskólanefnd að framtíðarsýn varðandi aðstöðu og aðgengi að leikskólum í sveitarfélaginu í samstarfi við yfirstjórnendur og skólastjóra.

Helstu verkefni og ábyrgð:

• Þátttaka við mótun og innleiðingu á Menntastefnu Garðabæjar
• Umsjón og eftirlit með faglegum og rekstrarlegum þáttum í leikskólum
• Eftirlit með faglegu starfi sjálfstætt starfandi leikskóla
• Umsjón og eftirlit með starfi dagforeldra
• Umsjón með innritun barna í leikskóla
• Stuðlar að þróun og nýsköpun á sviði leikskólastarfs
• Stuðlar að þverfaglegu samstarfi þeirra aðila sem koma að menntun og uppeldi barna
• Tekur þátt í þróun og innleiðingu á samþættingu þjónustu í þágu farsældar barna
• Hefur yfirsýn yfir verkefni og stuðning skólaþjónustu við leikskóla
• Hefur eftirlit með að leikskólastarf sé í samræmi við lög, reglugerðir og aðalnámskrá
• Veitir upplýsingar um þau málefni sem undir starfssviðið heyra og tekur saman upplýsingar um lykiltölur starfseminnar

Menntunar- og hæfniskröfur:

• Háskólapróf í kennarafræðum ásamt framhaldsmenntun sem nýtist í starfi
• Reynsla af rekstri og áætlanagerð
• Þekking og reynsla af starfi leikskóla
• Reynsla af stefnumótun
• Farsæl reynsla af stjórnun
• Sjálfstæði, frumkvæði og framúrskarandi samskiptahæfni
• Forystuhæfni og færni til að leiða samvinnu mismunandi hópa
• Góð íslenskukunnátta og hæfni til að tjá sig skipulega í töluðu og rituðu máli
• Góð enskukunnátta
• Þekking og reynsla af opinberri stjórnsýslu er kostur
• Reynsla af verkefnastjórnun er kostur

Umsóknarfrestur er til og með 13. febrúar 2023.

Nánari upplýsingar um starfið veita Linda Udengård væntanlegur sviðsstjóri fræðslu- og menningarsviðs (linda@gardabaer.is) og Inga Þóra Þórisdóttir mannauðsstjóri (ingath@gardabaer.is)

Launakjör eru samkvæmt kjarasamningi Sambands íslenskra sveitarfélaga og Starfsmannafélags Garðabæjar.

Áhugasamir einstaklingar, án tillits til kyns, eru hvattir til að sækja um.

Umsókn skal fylgja starfsferliskrá og kynningarbréf ásamt greinargóðum upplýsingum um störf umsækjanda, menntun og reynslu sem varpað getur ljósi á færni hans til að sinna umræddu starfi.

Umsækjendur eru beðnir um að sækja um með því að smella á Skrá inn og sækja um starf hér fyrir neðan.