Lektor í dönsku máli við Mála- og menningardeild á Hugvísindasviði Háskóla Íslands Fullt starf

Lektor í dönsku máli við Mála- og menningardeild á Hugvísindasviði Háskóla Íslands

Laust er til umsóknar fullt starf lektors í dönsku máli við Mála- og menningardeild á Hugvísindasviði Háskóla Íslands. Um er að ræða starf erlends lektors sem til var stofnað samkvæmt samningi Háskóla Íslands og danska Mennta- og vísindaráðuneytisins (Uddannelse og Forskningsministeriet). Sjá nánar hér.

Helstu verkefni og ábyrgð

• Að stunda rannsóknir á sviðinu.
• Að kenna og leiðbeina nemendum í dönsku.
• Að taka þátt í þróun náms í dönsku.
• Að sinna stjórnunar- og þjónustuþætti starfsins. 

Hæfniskröfur

• Umsækjandi skal hafa doktorspróf í dönsku eða dönskum fræðum eða þekkingu og reynsla í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar. 
• Umsækjandi skal hafa reynslu af kennslu í menntun sinni eða starfi, og er reynsla af kennslu í dönsku sem öðru máli á háskólastigi kostur. 
• Góð samskiptahæfni og lipurð í mannlegum samskiptum, auk þekkingar á danskri og norrænni samfélagsgerð, dönskum bókmenntum, kvikmyndum og menningu. 
• Góð dönskukunnátta.
• Kunnátta í íslensku er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Um er að ræða tímabundið starf sem ráðið verður í til þriggja ára með möguleika á framlengingu í allt að tvö ár, sbr. heimild í 4. mgr. 17. gr. laga nr. 85/2008 um opinbera háskóla. 

Umsækjendur skulu láta eftirfarandi gögn fylgja umsókn sinni.  

• Kynningarbréf þar sem m.a. kemur fram hvernig umsækjandi uppfyllir hæfniskröfur 
• Vottorð um námsferil sinn 
• Akademíska ferilskrá (Curriculum Vitae) 
• Ritaskrá (auðkenna ber ritrýnt efni sérstaklega)  
• Skýrslu um vísindastörf og önnur störf sem þeir hafa unnið 
• Greinargerð um rannsóknar- og kennsluáform ef til ráðningar kemur 
• Upplýsingar um þrjá mögulega umsagnaraðila sem hafa má samband við.  

Í umsókn skal koma fram hver ritverka sinna, allt að fimm talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendur ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á.  

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík.  

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.  

Starfshlutfall er 100%

Umsóknarfrestur er til og með 04.04.2023

Nánari upplýsingar veitir

Gísli Magnússon
–
[email protected]
Óskar Einarsson
–
[email protected]

Smelltu hér til að sækja um starfið