Lyfjafræðingur í deild Lyfja og meðferðarhjálpartækja Fullt starf

Lyfjafræðingur í deild Lyfja og meðferðarhjálpartækja

Sjúkratryggingar Íslands auglýsa krefjandi og skemmtilegt starf lyfjafræðings í einingu Lyfjamála í deild Lyfja og meðferðarhjálpartækja. Hlutverk einingarinnar er m.a. afgreiðsla umsókna um lyfjaskírteini, þátttaka í gæðastarfi, upplýsingamiðlun og ráðgjöf og fræðsla til heilbrigðisstarfsmanna. Leitað er eftir jákvæðum aðila með ríka þjónustulund, sem er fljótur að læra og tileinka sér nýja þekkingu, með góða samskiptahæfni og á auðvelt með að vinna bæði sjálfstætt og í teymi.

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu allt að 2 daga í viku auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna.

Helstu verkefni og ábyrgð

• Ákvörðun um afgreiðslu umsókna um lyfjaskírteini og endurskoðun vinnureglna
• Stuðla að hagkvæmari lyfjanotkun og lyfjaávísunum
• Ráðgjöf og fræðsla til heilbrigðisstarfsmanna
• Töluleg úrvinnsla og kostnaðareftirlit
• Upplýsingamiðlun
• Fagleg aðkoma og vinna við ýmis mál er tengjast lyfjamálum
• Þátttaka í ýmsum verkefnum, gæða- og þróunarstarfi innan deildar

Hæfniskröfur

• Meistarapróf í lyfjafræði
• Starfsreynsla sem nýtist í starfi, starfsreynsla í apóteki er kostur
• Þekking og reynsla af vinnslu tölfræðiupplýsinga er kostur
• Góð almenn tölvukunnátta
• Gott vald á íslenskri tungu
• Gott vald á ensku og/eða einu norðurlandamáli 
• Frumkvæði, vandvirkni og hæfni til að starfa sjálfstætt og í teymi
• Góð samskiptahæfni, þjónustulund og jákvætt viðmót

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Lyfjafræðingafélag Íslands hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Æskilegt er að viðkomandi geti hafið störf sem fyrst. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Ólafur Ólafsson
–
[email protected]
–
515-0000

Smelltu hér til að sækja um starfið