Mannauðsstjóri Fullt starf

Mannauðsstjóri

Rekstrar- og mannauðssvið auglýsir eftir öflugum mannauðsstjóra.

Landspítali auglýsir eftir öflugum einstaklingi með mikla reynslu af mannauðsmálum, í starf mannauðsstjóra hjá geðþjónustu spítalans. Mannauðsstjóri sviðs sinnir virkri þátttöku, ráðgjöf og stuðningi við stjórnendur og starfsfólk sviðsins í öllum verkþáttum mannauðsmála, þ.e. í ráðningum, þjálfun og starfsþróun, endurgjöf, kjaramálum, samskiptum, heilsu og öryggi, í samræmi við stefnu Landspítala hverju sinni. Leitað er að kraftmiklum einstaklingi sem brennur fyrir málstað mannauðsmála og spítalans. Starfið er ábyrgðarmikið og krefjandi og reynir á frumkvæði, stefnumótandi hugsun og samskiptahæfileika. Mannauðsstjóri heyrir undir framkvæmdastjóra rekstrar- og mannauðssvið og vinnur náið með öðrum deildum sviðsins.

Starfið er ótímabundið og starfshlutfall er 100%. Í boði er frábær vinnuaðstaða, fyrsta flokks mötuneyti og stytting vinnuvikunnar.

Æskilegt er að viðkomandi geti hafið störf sem fyrst.

Helstu verkefni og ábyrgð

• Fylgja eftir mannauðsstefnu Landspítala
• Ráðningar, öflun umsækjenda, framkvæmd ráðningaferla og móttaka
• Launasetning, innleiðing stofnana- og kjarasamninga
• Upplýsingastreymi og úrvinnsla samskiptamála
• Vinnuvernd, heilsa og öryggi starfsfólks
• Innleiðing breytinga og verklags í mannauðsmálum á sviðinu.
• Þátttaka í stefnumótun og samræmingu mannauðsmála Landspítala

Hæfniskröfur

• Þekking og reynsla af mannauðsstjórnun
• Háskólamenntun sem nýtist í starfi; viðbótarmenntun í mannauðsstjórnun eða sambærileg menntun skilyrði
• Leiðtoga- og skipulagshæfni
• Færni í mannlegum samskiptum, jákvætt viðhorf, lausnamiðuð vinnubrögð og rík þjónustulund
• Metnaður, frumkvæði, skipulagshæfni og sjálfstæð vinnubrögð
• Örugg og fagleg framkoma
• Mjög góð íslensku- og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins.

Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.   

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Öllum umsóknum verður svarað.

Starfsmerkingar: Heilbrigðisþjónusta, Mannauðsstjóri

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Eva Ýr Gunnlaugsdóttir
–
[email protected]
Gunnar Ágúst Beinteinsson
–
[email protected]

Smelltu hér til að sækja um starfið