Starfssvið:

• Ráðgjöf í ýmsum réttindamálum
• Starfsmaður málefnahóps um húsnæðismál
• Túlkun laga og reglugerða
• Kærur, álitsgerðir og umsagnir um lagafrumvörp
• Verkefnastjórn, skipulagning funda og viðburða
• Önnur tilfallandi verkefni

Hæfniskröfur:

• Háskólagráða í lögfræði, félagsráðgjöf, félagsfræði eða önnur menntun sem nýtist í starfi
• Brennandi áhugi á mannréttinda- og réttindamálum
• Reynsla og þekking á málefnum fatlaðs fólks og öryrkja er kostur
• Þekking á stjórnsýslurétti, almannatryggingum og alþjóðlegum mannréttindasamningum eins og samningi Sameinuðu þjóðanna um réttindi fatlaðs fólks er æskileg
• Góð íslenskukunnátta og ritfærni
• Færni í ensku og einu Norðurlandamáli er æskileg
• Skipulagshæfni, vönduð og sjálfstæð vinnubrögð
• Lipurð og hæfni í mannlegum samskiptum

ÖBÍ er heildarsamtök hagsmuna og mannréttinda fatlaðs fólks á Íslandi. Bandalagið samanstendur af 43 aðildarfélögum fatlaðs fólks, öryrkja, einstaklinga með langvinna sjúkdóma og aðstandenda þeirra. Aðildarfélögin eru hagsmunasamtök ólíkra fötlunarhópa sem öll starfa á landsvísu. Samanlagður félagafjöldi þeirra er um 30 þúsund manns. Hlutverk ÖBÍ er að vinna að samfélagslegu réttlæti, bættum lífsgæðum og kjörum auk þess að vera stefnumótandi í réttindamálum hagsmunahópsins. Skrifstofa ÖBÍ er í aðgengilegu húsnæði í Sigtúni 42, Reykjavík. Nánari upplýsingar á obi.is.

Fatlað fólk og/eða fólk með skerta starfsgetu er hvatt til að sækja um. Mögulegt er að ráða tvo einstaklinga í starfið og skiptist þá starfshlutfallið eftir samkomulagi.

Upplýsingar veitir:

Inga S. Arnardóttir – inga@hagvangur.is