Smith & Norland vill ráða yfirmann til starfa í þjónustudeild fyrirtækisins.

Starfið felur í sér viðgerðir og þjónustu á heimilistækjum, kælitækjum og öðrum rafbúnaði, innkaup og afgreiðslu varahluta, símsvörun og umsjón með þjónustuverkstæði okkar. Leitað er að röskum og sjálfstæðum einstaklingi, rafvirkja með meistararéttindi, sem vill takast á við áhugavert starf og hefur mikinn áhuga á þjónustu og mannlegum samskiptum í vaxandi umsvifum. Æskilegt er að viðkomandi hafi reynslu af viðgerðum kælitækja. Um er að ræða gott framtíðarstarf hjá traustu og framsæknu fyrirtæki á rafmagnssviði.

Áhugasamir sendi umsókn á halldorh@sminor.is eða skili henni á skrifstofu fyrirtækisins með upplýsingum um menntun og fyrri störf fyrir 27. nóvember.

Umsóknareyðublöð má nálgast á heimasíðu okkar, sminor.is (undir flipanum Fyrirtækið).