Sálfræðingur á Heilbrigðisstofnun Suðurnesja Fullt starf

Sálfræðingur á Heilbrigðisstofnun Suðurnesja

Viltu slást í hópinn og taka þátt í spennandi uppbyggingu?

Framundan er mikil uppbygging á HSS og leitum við að metnaðarfullum og jákvæðum einstaklingi til að slást í okkar frábæra hóp.

Heilbrigðisstofnun Suðurnesja óskar eftir að ráða sálfræðing til að sinna fullorðnum einstaklingum og verðandi og nýbökuðum mæðrum sem þurfa sálfræðilega aðstoð. 

Sálfræðingurinn kemur með til að sinna sálfræðimeðferð og ráðgjöf fyrir fullorðna einstaklinga og konur með geðræn vandamál, sem eru barnshafandi eða á fyrsta ári eftir fæðingu. Staðan er hluti af sálfélagslegri þjónustu HSS, sem býður upp á mat og meðferð fyrir börn, unglinga og fullorðna. Lögð er áhersla á að þróa þjónustuna í samræmi við geðheilbrigðisáætlun og leitum við því að metnaðarfullum sálfræðingi, sem hefur áhuga á að taka þátt í þeirri þróun með okkur. Um er að ræða framtíðarstarf og æskilegt að viðkomandi geti hafið störf sem fyrst.  

Helstu verkefni og ábyrgð

• Greining og meðferð  
• Uppeldisráðgjöf 
• Hópastarf 
• Teymisvinna 
• Þverfaglegt samstarf við aðrar fagstéttir innan HSS og utan, sem koma að  mæðra- og ungbarnavernd 
• Þátttaka í stefnumótun sálfræðiþjónustu HSS  

 Leiðarljós HSS í þjónustu og starfi er umhyggja, fagmennska og virðing.

Hæfniskröfur

• Réttindi til að starfa sem sálfræðingur á Íslandi 
• Góð íslenskukunnátta 
• Þekking á gagnreyndum meðferðarúrræðum við algengustu geðröskunum fullorðinna 
• Reynsla af greiningu og meðferð fullorðinna er æskileg 
• Áhugi á sálmeinafræði barnshafandi kvenna og nýbakaðra mæðra er æskilegur 
• Það er lögð áhersla á sjálfstæði og frumkvæði í starfi, auk  samskiptahæfni og sveigjanleika 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. 

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússsvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Íbúafjöldi upptökusvæðisins, sem er Reykjanesið, er um 30.000 íbúar auk alþjóðaflugvallar.

Starfshlutfall er 100%

Umsóknarfrestur er til og með 31.01.2023

Nánari upplýsingar veitir

Inga Guðlaug Helgadóttir
–
[email protected]
–
4220500

Smelltu hér til að sækja um starfið