Innskrá
Búa til aðgang
Sérfræðingur á inn- og útflutningseild
Matvælastofnun auglýsir eftir öflugum einstaklingi til starfa inn- og útflutningsdeild sem er með aðsetur í Hafnarfirði. Um er að ræða 100% starf og æskilegt að umsækjandi geti hafið störf sem fyrst.
Helstu verkefni og ábyrgð
Helstu verkefni sérfræðingsins eru útgáfa heilbrigðisvottorða vegna útflutnings afurða. Í því felst m.a. mat á gögnum og samskipti við hagaðila. Einnig vinna að aðgengi íslenskra afurða að erlendum mörkuðum. Auk þess önnur verkefni á inn- og útflutningsdeild. Lögð er áhersla á teymisvinnu og umbætur í verklagi.
Hæfniskröfur
- Menntun sem nýtist í starfi.
- Reynsla af sjávarútvegi, matvælavinnslu eða annarri skyldri starfsemi er æskileg.
- Þekking og reynsla af opinberri stjórnsýslu er kostur.
- Nákvæmni, frumkvæði og sjálfstæði í starfi.
- Samstarfshæfni og lipurð í mannlegum samskiptum.
- Hæfni til tjáningar í ræðu og riti á íslensku og ensku er skilyrði.
- Góð almenn tölvukunnátta.
- Ökuréttindi.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.
Nánari upplýsingar um starfið veitir Hrund Hólm deildarstjóri inn- og útflutningsdeildar í gegnum tölvupóst ([email protected]) eða í síma 530 4800. Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir því hvernig viðkomandi uppfyllir hæfnikröfur. Sækja skal um í gegnum Starfatorg.
Umsóknarfrestur er til og með 3. febrúar 2023. Öllum umsóknum verður svarað þegar ráðning liggur fyrir. Vakin er athygli á því að umsóknir gilda í 6 mánuði nema umsækjandi ákveði annað. Launakjör eru samkvæmt viðeigandi kjarasamningi. Nánari upplýsingar um stofnunina er að finna á www.mast.is.
Starfshlutfall er 100%
Umsóknarfrestur er til og með 03.02.2023
Nánari upplýsingar veitir
Hrund Hólm, Deildarstjóri inn- og útflutningsdeildar
–
[email protected]
–
5304800
