Sérfræðingur á sviði fisksjúkdóma

Sérfræðingur á sviði fisksjúkdóma

Laust er til umsóknar starf sérfræðings við Rannsóknadeild fisksjúkdóma hjá Tilraunastöð Háskóla Íslands í meinafræði að Keldum. 

Stofnunin er háskólastofnun á sviði dýraheilbrigðis og hlutverk hennar er tilgreint með lögum um stofnunina nr. 67/1990 og lögum nr. 50/1986 um rannsóknir á fisksjúkdómum. 

Helstu verkefni og ábyrgð

• Grunn- og þjónusturannsóknir á sviði fisksjúkdóma.
• Þróun verkefna, verkefnastjórnun og umsóknir í samkeppnissjóði.
• Starfa í samræmi við skyldur stofnunarinnar sem faggilt tilvísunarrannsóknastofa á fræðasviðinu.
• Greinaskrif, skýrslugerð og kynning vísindaniðurstaðna innanlands og utan.
• Leiðbeining nemenda í grunn- og framhaldsnámi.

Hæfniskröfur

• Meistara- eða doktorspróf í líffræði eða skyldum greinum.
• A.m.k. 3 ára reynsla af rannsóknastörfum.
• Góð þekking á sameindalíffræðilegum aðferðum.
• Menntun á sviði örverufræði er kostur.
• Reynsla af verkefnastjórnun og umsóknum í samkeppnissjóði æskileg.
• Gott vald á íslensku og ensku í ræðu og riti. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Um er að ræða framtíðarstarf og umsækjandi þarf að geta hafið störf sem fyrst.

Unnið er samkvæmt vottuðu gæðakerfi Tilraunastöðvar Háskóla Íslands í meinafræði að Keldum. 

Stofnunin starfar m.a. sem innlend tilvísunarrannsóknastofa fyrir sjúkdóma í fiskum, lindýrum og krabbadýrum. 

Stundvísi, áreiðanleiki og áhugi á viðfangsefninu eru mikilvægir þættir í fari umsækjenda, sem og víðsýni, jákvæðni, góð samstarfshæfni og lipurð í mannlegum samskiptum. 

Umsókn skulu fylgja upplýsingar um náms- og starfsferil og ritaskrá umsækjanda, ásamt kynningarbréfi þar sem gerð er grein fyrir ástæðu umsóknar, með rökstuðningi fyrir hæfni viðkomandi í starfið og upplýsingum um umsagnaraðila. 

Við ráðningu í starfið er tekið mið af jafnréttisstefnu stofnunarinnar. 

Vakin er athygli á málstefnu Háskóla Íslands, sjá: https://www.hi.is/haskolinn/malstefna_haskola_islands

Upplýsingar um starfsemi Tilraunastöðvar Háskóla Íslands í meinafræði að Keldum er að finna á keldur.is

Starfshlutfall er 100%

Umsóknarfrestur er til og með 02.01.2023

Nánari upplýsingar veitir

Árni Kristmundsson, Deildarstjóri
–
[email protected]
–
8664404

Smelltu hér til að sækja um starfið