Sérfræðingur á sviði framhaldsskóla- og/eða starfsmenntamála Fullt starf

Sérfræðingur á sviði framhaldsskóla- og/eða starfsmenntamála

Mennta- og barnamálaráðuneyti  leitar eftir sérfræðingi í fullt starf á málefnasviði framhaldsskóla og/eða starfsmenntamála á skrifstofu stefnumótunar og innleiðingar.  Starfið er tímabundin ráðning til 12 mánaða með möguleika á fastráðningu að þeim tíma liðnum að teknu tilliti til verkefnastöðu innan málefnasviðsins.

Um er að ræða fjölbreytt og krefjandi starf fyrir skapandi, jákvæðan og skipulagðan einstakling með góða greiningarhæfni, frumkvæði og frjóa hugsun. Viðkomandi þarf að geta unnið sjálfstætt sem og í hópi og vera tilbúinn til að takast á við krefjandi verkefni við fjölbreyttar aðstæður.

Helstu verkefni og ábyrgð

• Stefnumótun á málefnasviði framhaldsskóla.
• Ýmis verkefni á sviði starfsmenntamála, m.a. fjölgun nema í iðngreinum.
• Greiningarvinna, innleiðing og eftirfylgni verkefna á málefnasviði stefnumótunar og starfsmenntamála.
• Aðkoma að endurskoðun á lögum og reglugerðum, s.s. aðalnámskrá framhaldsskóla.
• Samskipti við ríkisaðila og undirstofnanir sem undir ráðuneytið heyra og hagaðila sem það er í samnings- og eða samstarfssambandi við.
• Öflun upplýsinga og vinna við svörun fyrirspurna.
• Þátttaka í alþjóðlegu samstarfi á málefnasviðinu.
• Önnur tilfallandi verkefni sem heyra undir ráðuneytið.

Hæfniskröfur

• Háskólapróf í stefnumótun, verkefnastjórnun, kennslu- og/eða menntunarfræðum eða sambærilegum greinum, framhaldsmenntun er kostur.
• Góð reynsla af verkefnastjórnun og stefnumótunarvinnu.
• Þekking og reynsla á sviði starfsmenntamála kostur.
• Þekking og reynsla á sviði framhaldsskóla kostur.
• Frumkvæði, skipulagshæfni og sjálfstæði í vinnubrögðum.
• Þekking og reynsla af opinberri stjórnsýslu kostur.
• Mjög góð hæfni í mannlegum samskiptum.
• Mjög gott vald á íslensku og ensku í ræðu og riti. ·

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Um fullt starf er að ræða og æskilegt er að viðkomandi geti hafið störf sem fyrst.  

Umsókn um starfið þarf að fylgja ítarleg ferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið. 

Öllum umsóknum verður svarað þegar ákvörðun um ráðningu hefur verið tekin.  Umsóknir gilda í 6 mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019.  

Við ráðningar í störf hjá mennta- og barnamálaráðuneyti er tekið mið af jafnréttisáætlun Stjórnarráðsins. 

Nánari upplýsingar um starfið veita Þorsteinn Hjartarson, skrifstofustjóri í gegnum netfangið [email protected] og Íva Sigrún Björnsdóttir, teymisstjóri framhaldsskóla, í gegnum netfangið [email protected] 

Í mennta- og barnamálaráðuneyti starfa um 60 starfsmenn með fjölbreytta menntun og bakgrunn. Ráðuneytið er fjölskylduvænn vinnustaður þar sem lögð er áhersla á samvinnu og góðan starfsanda í samræmi við mannauðs- og viðverustefnu Stjórnarráðsins.

Nýtt skipurit mennta- og barnamálaráðuneytis tók gildi 2. júní sl.  Þrjár skrifstofur eru í ráðuneytinu, þar á meðal skrifstofa stefnumótunar og innleiðingar sem vinnur að stefnumótun og undirbýr stefnumál og áherslur ráðherra svo sem þær sem birtast í sértækum stefnum, lögum, fjármálaáætlunum og fjárlögum. Skrifstofan hefur umsjón með endurskoðun og gerð nýrra laga og reglugerða sem og innleiðingu þeirra sem og annarra verkefna á málefnasviðum ráðuneytisins samráði við aðrar skrifstofur og undirstofnanir ráðuneytisins. Skrifstofan ber ábyrgð á þróun og útgáfu aðalnámskrár og hefur með höndum mótun stefnu um framkvæmd námsmats. Starfsfólk skrifstofunnar tekur þátt í ritun svara við fyrirspurnum, úrlausna vegna stjórnsýslukæra, nefndarstarfi og vinnuhópum og öðrum verkefnum í samvinnu við aðrar skrifstofur ráðuneytisins.

Starfshlutfall er 100%

Umsóknarfrestur er til og með 06.02.2023

Nánari upplýsingar veitir

Þorsteinn Hjartarson, skrifstofustjóri
–
[email protected]
Íva Sigrún Björnsdóttir, teymisstjóri
–
[email protected]

Smelltu hér til að sækja um starfið