Innskrá
Búa til aðgang
Sérfræðingur – Bókhald HH
Hefur þú brennandi áhuga á tölum og færslu bókhalds?
Við leitum að nákvæmum og talnaglöggum einstaklingi í bókhaldsdeild Heilsugæslu höfuðborgarsvæðisins (HH). Deildin heyrir undir sviði fjármála og rekstrar sem staðsett er í Álfabakka 16.
Um er að ræða 100% ótímabundið starf. Æskilegt er að viðkomandi geti hafið störf 1. maí n.k. eða eftir nánari samkomulagi.
Helstu verkefni og ábyrgð
- Færsla bókhalds og afstemmingar
- Millifærslur og leiðréttingar í bókhaldi
- Yfirferð og bókun uppgjöra
- Greiningarvinna og úrvinnsla gagna
- Önnur tilfallandi verkefni í samráði við deildarstjóra bókhalds
Hæfniskröfur
- Viðskiptafræðingur eða sambærileg menntun
- Reynsla og góð þekking á bókhaldi skilyrði
- Þekking og færni af Oracle fjárhagskerfi kostur
- Góð almenn tölvukunnátta
- Góð þekking og færni í Excel
- Nákvæm og öguð vinnubrögð
- Skipulagshæfni og sjálfstæð vinnubrögð
- Jákvæðni og rík þjónustulund
- Frumkvæði í starfi og umbótahugsun
- Íslenskukunnátta skilyrði
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Kjarafélag viðskipta- og hagfræðinga hafa gert.
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu.
Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir sakavottorði.
Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 100%
Umsóknarfrestur er til og með 27.03.2023
Nánari upplýsingar veitir
Guðfinna Helgadóttir
–
[email protected]
–
513-5000
