Innskrá
Búa til aðgang
Sérfræðingur í öldrunar- eða heimilislækningum – Sjúkrahúsið á Akureyri
Sjúkrahúsið á Akureyri óskar eftir að ráða sérfræðing í öldrunar- eða heimilislækningum. Um er að ræða 100% stöðu og er æskilegt að viðkomandi geti hafið störf sem fyrst eða eftir samkomulagi.
Næsti yfirmaður er forstöðulæknir endurhæfinga- og öldrunarlækninga, Arna Rún Óskarsdóttir.
Á Kristnesspítala fara fram endurhæfinga og öldrunarlækningar Sjúkrahússins á Akureyri þar sem unnið er í þverfaglegri teymisvinnu meðferðaraðila í samvinnu við sjúklinga og fjölskyldur þeirra. Í teymunum starfa læknar, hjúkrunarfræðingar, sjúkraþjálfarar, iðjuþjálfar, félagsráðgjafi, sjúkraliðar og aðstoðarfólk. Einnig koma inní teymið talmeinafræðingur og sálfræðingur þegar við á. Samvinna við þjónustuaðila utan stofnunarinnar er mikilvægur þáttur í starfinu. Má þar nefna heilsugæslu og þá sérstaklega heimahjúkrun, ýmis úrræði á vegum Akureyrarbæjar auk Virk starfsendurhæfingarsjóðs.
Helstu verkefni og ábyrgð
Í starfinu felst dagvinna á Öldrunarheimilum Akureyrar(ÖA) og eftir atvikum á deildum sjúkrahússins. Einnig er bakvaktaþjónusta fyrir ÖA, öldrunarlækningar og endurhæfingu á Kristnesspítala. Á Sjúkrahúsinu á Akureyri er öldrunalæknisþjónusta veitt á Kristnesspítala, öðrum legudeildum sjúkrahússins og á göngudeild.
Starfinu fylgir:
- Vaktskylda
- Þátttaka í kennslu heilbrigðisstétta
- Þjálfun aðstoðar- og deildarlækna auk tækifæra til rannsóknavinnu
Hæfniskröfur
- Fullgilt íslenskt lækningaleyfi og fullgild réttindi í öldrunarlækningum eða heimilislækningum en til greina kemur að horfa til annarra sérfræðiréttinda
- Hæfni til að vinna sjálfstætt og sýna frumkvæði
- Hæfni og geta til að vinna í teymi
- Samskiptahæfni og lipurð í mannlegum samskiptum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsóknum skal skilað rafrænt á vef sjúkrahússins www.sak.is Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á. Viðtöl verða tekin við umsækjendur og byggist ákvörðun um ráðningu á þeim ásamt innsendum gögnum. Öllum umsóknum verður svarað þegar ákvörðun um ráðningu hefur verið tekin. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Sjúkrahúsið hefur hlotið alþjóðlega vottun á starfsemi sinni.
Gildi Sjúkrahússins á Akureyri eru: ÖRYGGI SAMVINNA FRAMSÆKNI. Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.
Starfshlutfall er 100%
Umsóknarfrestur er til og með 23.01.2023
Nánari upplýsingar veitir
Arna Rún Óskarsdóttir
–
[email protected]
–
463-0100
Erla Björnsdóttir
–
[email protected]
–
463-0100
