Sérfræðingur í fjármálum sveitarfélaga Fullt starf

Sérfræðingur í fjármálum sveitarfélaga

Innviðaráðuneytið leitar að öflugum sérfræðingi til að hafa umsjón með verkefnum er varða framkvæmd VII og VIII kafla sveitarstjórnarlaga um fjármál sveitarfélaga og samráð vegna laga um opinber fjármál. Starfið er á skrifstofu sveitarfélaga og byggðamála sem hefur það hlutverk að styðja við jákvæða byggðaþróun og eflingu sveitarfélaga með búsetufrelsi og sjálfbærni að leiðarljósi. 

Helstu verkefni og ábyrgð

• Yfirumsjón með verkefnum sem tengjast lögum um fjármál sveitarfélaga og opinber fjármál 
• Þátttaka og undirbúningur varðandi stefnumótun í sveitarstjórnarmálum
• Verkefni er lúta að tekjustofnum sveitarfélaga
• Samskipti við Hagstofu Íslands, Samband íslenskra sveitarfélaga, fjármálaráðuneyti og fleiri aðila 
• Aðkoma að útreikningi framlaga úr Jöfnunarsjóði sveitarfélaga
• Svörun erinda og fyrirspurna
• Þátttaka í starfi nefnda og starfshópa 

Hæfniskröfur

• Meistarapróf á sviði viðskiptafræði, hagfræði eða viðskiptalögfræði  
• Þekking á greiningu ársreikninga, fjármálastjórn, bókhaldi og reikningsskilum
• Þekking og reynsla á fjármálum sveitarfélaga er kostur
• Mjög góð hæfni í Excel og í framsetningu gagna
• Gott vald á íslensku og ensku og færni til að tjá sig í ræðu og riti
• Frumkvæði, metnaður og sjálfstæð vinnubrögð
• Skipulagshæfileikar og nákvæmni í vinnubrögðum
• Hæfileikar til samstarfs og samskipta 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Ráðuneytið hvetur hæfa einstaklinga til að sækja um starfið, óháð kyni. Umsóknir geta gilt í sex mánuði frá birtingu auglýsingar, sbr. reglur nr. 1000/2019, um auglýsingar lausra starfa. 

Athygli er vakin á því að í samræmi við byggðastefnu stjórnvalda er starfið auglýst óháð staðsetningu.

Í boði er áhugavert starf á skemmtilegum vinnustað. Um 50 sérfræðingar skipa starfslið ráðuneytisins þar sem framsýni, árangur og traust eru höfð að leiðarljósi. Um framtíðarstarf er að ræða.

Umsókn um starfið þarf að fylgja ítarleg starfsferilsskrá og kynningarbréf, þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Starfshlutfall er 100%

Umsóknarfrestur er til og með 21.03.2023

Nánari upplýsingar veitir

Aðalsteinn Eyþór Þorsteinsson, skrifstofustjóri
–
[email protected]
–
545 8200

Smelltu hér til að sækja um starfið