Sérfræðingur í klínískri sálfræði – Sálfræðiþjónusta geðsviðs Fullt starf

Sérfræðingur í klínískri sálfræði – Sálfræðiþjónusta geðsviðs

Sálfræðiþjónusta Landspítala vill ráða til starfa 5 sérfræðinga í klínískri sálfræði við sálfræðiþjónustu Landspítala. Leitað er eftir sérfræðingum með framúrskarandi samskiptahæfni, faglegan metnað og áhuga á að vinna í fjölbreyttu starfi í krefjandi þverfaglegu umhverfi. 

Leitast verður við að ráða sérfræðing á eftirfarandi starfseiningar:

• Meðferðareining fíknisjúkdóma 
• Meðferðareining geðrofssjúkdóma eða réttar- og öryggisþjónusta 
• Meðferðareining lyndisraskana 
• Sálfræðiþjónusta vefrænna deilda
• Sálfræðiþjónusta Barnaspítala

Starfið bíður upp á fjölbreytta möguleika á klínískri starfsþróun, aðkomu að þjálfun og handleiðslu starfsmanna og nema og þróunar- og rannsóknarvinnu.

Hjá sálfræðiþjónustunni starfa 76 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið er að fjölbreyttum umbóta- og rannsóknarverkefnum.

Helstu verkefni og ábyrgð

• Klínísk sálfræðistörf og ráðgjöf innan sérgreinar
  
• Þátttaka í þverfaglegri teymisvinnu
  
• Þátttaka í þróun sálfræðiþjónustu innan sérgreinar
  
• Kennsla, handleiðsla og fræðsla
  
• Gæða-, umbóta- og rannsóknastörf

Hæfniskröfur

• Íslenskt sérfræðileyfi í klínískri sálfræði skv. reglugerð nr. 158/1990 eða nr. 1130/2012
• Leiðtogahæfileikar og framúrskarandi samskiptahæfni
• Víðtæk reynsla og færni við sálfræðilega greiningu og meðferð
• Reynsla af handleiðslu, kennslu á háskólastigi og vísindavinnu
• Geta til að takast á við krefjandi verkefni
• Hæfni til að miðla upplýsingum á skýran og greinargóðan hátt
• Hæfni til að vinna sjálfstætt, sýna frumkvæði og sveigjanleika
• Góð íslensku og enskukunnátta, í töluðu og rituðu máli

   

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Starfið er laust nú þegar eða samkvæmt samkomulagi. Allar umsóknir þurfa að fara rafrænt í gegnum ráðningarkerfi ríkisins. Umsókn skal fylgja ítarleg náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Mat á hæfni umsækjenda byggist á innsendum gögnum og viðtölum við umsækjendur.

Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Sálfræðingur, Dagvinna

Starfshlutfall er 100%

Umsóknarfrestur er til og með 06.02.2023

Nánari upplýsingar veitir

Berglind Guðmundsdóttir
–
[email protected]
–
543 9292

Smelltu hér til að sækja um starfið