Sérfræðingur í skattrannsóknum tengdum peningaþvætti

Sérfræðingur í skattrannsóknum tengdum peningaþvætti

Skatturinn leitar að öflugum liðsauka til starfa á starfsstöð Skattsins í Reykjavík og til að slást í hóp skemmtilegra starfsmanna á eftirlits- og rannsóknasviði. 

Við störf eftirlits- og rannsóknasviðs er lögð áhersla á fagmennsku í öllum verkum. Allar aðgerðir sviðsins miða að því að styrkja tekjuöflun hins opinbera, fyrirbyggja og upplýsa skattundanskot og önnur brot á skattframkvæmd auk þess að stuðla að upprætingu peningaþvættis og fjármögnunar hryðjuverka. Við öflugt skatteftirlit og -rannsóknir er áhersla lögð á að nýta nýjustu tækni á hverjum tíma, þ. á m. gagnagrunna, gervigreind og stafrænar lausnir.

Gildi skattsins eru fagmennska, framsækni og samvinna og eru þau ávallt haft til viðmiðunar við ráðningar í störf hjá Skattinum.

Helstu verkefni og ábyrgð

• Rannsókn ætlaðra skattundanskota og annarra skattalagabrota.
• Þátttaka í rannsóknaraðgerðum, þ. á m. húsleitum og skýrslutökum.
• Annast málsmeðferð, þ. á m. gagna- og upplýsingaöflun.
• Ritun skýrslna um framkvæmd og niðurstöður rannsókna.

Hæfniskröfur

Kröfur til menntunar og reynslu:

• Viðeigandi háskólamenntun sem nýtist í starfi, t.d. á sviði viðskiptafræði, lögfræði eða hagfræði (lágmark er B.S./B.A. gráða en meistaragráða er æskileg).
• Þekking og reynsla á almennri skattframkvæmd og málsmeðferð er æskileg.
• Þekking og reynsla á sviði stjórnsýsluréttar og refsiréttar er kostur.
• Þekking og reynsla á svið laga og reglna er varða peningaþvætti og fjármögnun hryðjuverka er kostur.

Almennar kröfur um hæfni:

• Gott vald á íslensku í töluðu og rituðu máli er skilyrði, önnur tungumálakunnátta er kostur.
• Góð greiningarhæfni.
• Lipurð og færni í mannlegum samskiptum.
• Öguð, nákvæm og sjálfstæð vinnubrögð.
• Frumkvæði, metnaður og geta til að vinna undir álagi.
• Jákvæðni og rík þjónustulund.
• Samstarfshæfni sem og reynsla og færni af teymisvinnu.
• Góð almenn tölvukunnátta.
• Hreint sakavottorð.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Sótt er um starfið á skatturinn.is eða starfatorg.is. Ferilskrá þarf að fylgja, auk kynningarbréfs með upplýsingum um menntun, fyrri störf, umsagnaraðila o.fl. sem máli skiptir svo að umsókn teljist fullnægjandi. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Starfshlutfall er 100%

Umsóknarfrestur er til og með 02.01.2023

Nánari upplýsingar veitir

Bryndís Björk Kristjánsdóttir, skattrannsóknarstjóri
–
[email protected]
–
442-1000

Smelltu hér til að sækja um starfið