Sérnám í heilsugæsluhjúkrun Hlutastarf

Sérnám í heilsugæsluhjúkrun

Lausar eru til umsóknar 5 sérnámsstöður hjúkrunarfræðinga í heilsugæsluhjúkrun við Heilsugæslu höfuðborgarsvæðisins (HH). Hver sérnámsstaða er 80% og veitist frá 1. ágúst 2023 til eins árs. Sérnám í heilsugæsluhjúkrun er í samstarfi við Háskólann á Akureyri. Námið samanstendur af fræðilegu námi við Háskólann á Akureyri og klínískri þjálfun á heilsugæslustöð undir handleiðslu lærimeistara. Námið er skipulagt til eins árs og lýkur með diplóma gráðu. Umsóknarfrestur er til og með 27. mars nk. 

Helstu verkefni og ábyrgð

• Efla hæfni hjúkrunarfræðinga, meðal annars í þverfaglegu samstarfi á heilsugæslustöð
• Móta viðhorf og sýn til þjónustu heilsugæslunnar í komandi framtíð
• Veita nemendum tækifæri til að rýna í og innleiða gagnreynda starfshætti í daglegu starfi undir handleiðslu lærimeistara á heilsugæslustöð

Hæfniskröfur

• Almennt hjúkrunarleyfi, BS gráða (lágmarkseinkunn 7)
• Viðkomandi sé starfandi á heilsugæslustöð og hafi a.m.k. eins árs starfsreynslu í heilsugæslu
• Skipulagshæfni og sjálfstæði í starfi
• Hæfni í mannlegum samskiptum er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi. Jafnframt skal leggja fram staðfestar upplýsingar um hjúkrunarmenntun ásamt staðfestu afriti af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt til Heilsugæslu höfuðborgarsvæðisins skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu.

Starfshlutfall er 80%

Umsóknarfrestur er til og með 30.03.2023

Nánari upplýsingar veitir

Sesselja Guðmundsdóttir
–
[email protected]
–
513-5046

Smelltu hér til að sækja um starfið