Innskrá
Búa til aðgang
Sérnámslæknar í heimilislækningum – Heilsugæsla höfuðborgarsvæðisins
Lausar eru til umsóknar sex sérnámsstöður í heimilislækningum hjá Heilsugæslu höfuðborgarsvæðisins. Sérnámsstöðurnar veitast frá og með 1. júlí 2023 eða eftir nánara samkomulagi og með fyrirvara um samþykki inntöku- og framgangsnefndar (samkvæmt viðmiðunarreglum/marklýsingu).
Sérnám í heimilislækningum hefur verið starfrækt í fjölda ára á Íslandi og hefur Heilsugæsla höfuðborgarsvæðisins verið leiðandi í sérnáminu. Sérnám í heimilislækningum byggir á marklýsingu Félags íslenskra heimilislækna, sjá nánar á: https://www.landlaeknir.is/umembaettid/frettir/frett/item33037/vidurkenning-a-marklysingu-fyrir-sernam-i-heimilislaekningum-a-islandi-
Sérnámið fer fram undir virkri handleiðslu mentors sem er sérfræðingur í heimilislækningum sem fylgir sérnámslækni eftir allan námstímann. Sérnámslæknir skipuleggur nám sitt í samráði við mentor og kennslustjóra sérnáms.
Námið fer fram á heilsugæslustöð í þrjú ár og á sjúkrahúsi í tvö ár. Starfshlutfall er 100%.
Kostir sérnáms í heimilislækningum:
- Einstaklingsmiðuð námsáætlun
- Starfsnám undir virkri handleiðslu reyndra sérfræðinga
- Blokkasamningur við Landspítala varðandi spítalahluta sérnámsins
- Hópkennsla hálfan dag í viku
- Þátttaka í rannsóknar- og/eða gæðastarfi
- Sameiginlegar námsferðir innanlands sem utan
- Rafræn sérnámsmappa sem heldur utan um framgang í námi
Helstu verkefni og ábyrgð
- Almennar lækningar og heilsuvernd
- Vaktþjónusta
- Nám samhliða starfi
- Rannsóknar og gæðastarf
Hæfniskröfur
- Íslenskt lækningaleyfi
- Að hafa lokið kandidatsári sérnámsgrunni eða sambærilegu námi
- Mjög góðir samskiptahæfileikar, fagmennska og jákvæðni
- Hæfni og vilji til að vinna náið með skjólstæðingum og samstarfsfólki
- Frumkvæði, faglegur metnaður og geta til að starfa sjálfstætt
- Áreiðanleiki, samviskusemi og vandvirkni
- Lausnamiðuð hugsun og vinnubrögð
- Vilji til þátttöku í þverfaglegri teymisvinnu
- Íslenskukunnátta nauðsynleg
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands. Umsókn skal fylgja ítarleg náms- og starfsferilsskrá og kynningarbréf þar sem gerð er grein fyrir ástæðu umsóknar. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. Mat á hæfni umsækjenda byggist á innsendum gögnum, umsögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu. Umsókn getur gilt í 6 mánuði.
Starfshlutfall er 100%
Umsóknarfrestur er til og með 16.01.2023
Nánari upplýsingar veitir
Elínborg Bárðardóttir
–
[email protected]
–
513-5000
