Skatturinn leitar að metnaðarfullum ástríðukokki

Skatturinn leitar að metnaðarfullum ástríðukokki

Skatturinn leitar að framsæknum og skemmtilegum matreiðslumeistara með brennandi ástríðu fyrir matargerð til að annast rekstur mötuneytis Skattsins og Fjársýslunnar í nýjum höfuðstöðvum að Katrínartúni 6. Um einstakt tækifæri er að ræða fyrir hinn eina rétta ástríðukokk því ekki eingöngu felst í starfinu að eignast allt að 500 frábæra fastagesti heldur gefst viðkomandi færi á að taka þátt í að móta uppbyggingu hins nýja mötuneytis. Um er að ræða fjölbreytt og spennandi dagvinnustarf. 

Gildi Skattsins eru fagmennska, framsækni og samvinna og eru þau ávallt höfð til viðmiðunar við ráðningar í störf hjá Skattinum.

Helstu verkefni og ábyrgð

• Uppbygging og rekstur mötuneytis.
• Umsjón með gerð matseðla, innkaupum og vinnuskipulagi annarra starfsmanna í eldhúsi.
• Matseld og framreiðsla í hádegi.
• Umsjón með veitingum á ýmsum starfsmannatengdum viðburðum.

Hæfniskröfur

• Gerð er krafa um að viðkomandi sé matreiðslumeistari.
• Reynsla af stjórnun eldhúsa/mötuneyta er æskileg.
• Áhugi á fjölbreyttri og hollri matargerð.
• Góð framkoma og rík þjónustulund.
• Sjálfstæði, hugmyndaauðgi og skipulögð vinnubrögð.
• Lipurð og sveigjanleiki í samskiptum.
• Snyrtimennska er áskilin.
• Hreint sakavottorð.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknir skulu fylltar út á vefsíðu Skattsins, skatturinn.is eða á vefsíðu Starfatorgs, starfatorg.is. Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Skatturinn hvetur fólk af öllum kynjum til að sækja um starfið

Starfshlutfall er 100%

Umsóknarfrestur er til og með 02.01.2023

Nánari upplýsingar veitir

Ásgeir Heimir Guðmundsson, deildarstjóri fjármálasviðs
–
[email protected]
–
442-1000

Smelltu hér til að sækja um starfið