Skrifstofumaður Hlutastarf

Skrifstofumaður

Laust er til umsóknar 70% hlutastarf skrifstofumanns við embætti sýslumanns í Vestmannaeyjum. Embættið er stjórnsýslu- og þjónustustofnun sem reist er á gömlum grunni og annast fjölþætt viðfangsefni framkvæmdarvalds ríkisins í héraði, sbr. lög um framkvæmdarvald og stjórnsýslu ríkisins í héraði nr. 50/2014. Áherslur vinnustaðarins byggja á góðri og faglegri þjónustu, skilvirku verklagi, stafrænum lausnum og öflugri liðsheild.

Helstu verkefni og ábyrgð

Hlutverk skrifstofumanns er móttaka, vinnsla og skjölun mála sem eru til meðferðar hjá embættinu og tilfallandi almenn afgreiðsla. Starfið er unnið á skrifstofu embættisins en við embætti sýslumanns í Vestmannaeyjum er í gildi fjarvinnustefna. Starfið heyrir undir skrifstofustjóra embættisins.

Hæfniskröfur

• Hæfni á 2.-3. þrepi skv. íslenska hæfnirammanum.
• Mjög góð enskukunnátta og góð íslenskukunnátta í ræðu og riti.
• Mjög góð tölvukunnátta og sérstaklega á Microsoft office hugbúnað.
• Reynsla af skrifstofu- og/eða þjónustustörfum er æskileg.
• Þekking á starfsemi sýslumannsembætta er kostur.
• Mjög rík þjónustulund og lipurð í samskiptum, jákvæðni og frumkvæði.
• Nákvæmni í störfum, þolinmæði, fagmennska, skipulagshæfni og samviskusemi er mikilvæg.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Á skrifstofu sýslumanns í Vestmannaeyjum fer fram afgreiðsla allra almennra erinda en starfsemi embættisins er í samræmi við lög um framkvæmdarvald og stjórnsýslu ríkisins í héraði nr. 50/2014. Auk þess fer sýslumaðurinn í Vestmannaeyjum með umsjón nokkurra sérverkefna á landsvísu þ. á m. könnun hjónavígsluskilyrða en stærsti hluti starfsins er í tengslum við það sérverkefni.

Embætti sýslumanns er framsækinn vinnustaður sem skipaður er hæfu starfsfólki sem veitir metnaðarfulla þjónustu. 

Umsókn um starfið skal fylgja starfsferlisskrá ásamt kynningarbréfi auk upplýsinga um önnur atriði sem máli kunna að skipta.

Umsóknum skal skila rafrænt í gegnum ráðningarkerfi ríkisins.

Fólk af öllum kynjum er hvatt til að sækja um starfið. Öllum umsóknum verður svarað þegar ákvörðun um ráðningu hefur verið tekin. 

Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. laga nr. 70/1996 um réttindi og skyldur starfsmanna ríkisins.

Starfshlutfall er 70%

Umsóknarfrestur er til og með 15.02.2023

Nánari upplýsingar veitir

Arndís Soffía Sigurðardóttir, sýslumaður
–
[email protected]
–
4582900
Lára Ósk Garðarsdóttir, skrifstofustjóri
–
[email protected]
–
4582900

Smelltu hér til að sækja um starfið