Starfsmaður – Blóðbankinn Snorrabraut Fullt starf

Starfsmaður – Blóðbankinn Snorrabraut

Starfsmaður óskast til starfa hjá Blóðbankanum við Snorrabraut. Um er að ræða fjölbreytt starf við öflun og móttöku blóðgjafa og í kaffistofu blóðgjafa. Starfið er bæði fjölbreytt og krefjandi og tækifæri til starfsþróunar. Rík áhersla er lögð á góða og einstaklingsmiðaða aðlögun undir handleiðslu reyndra starfsmanna.

Um er að ræða dagvinnu með breytilegan vinnutíma og bakvöktum. Starfshlutfall er 80-100% og er starfið laust nú þegar eða samkvæmt nánara samkomulagi.

Blóðbankinn sinnir m.a. söfnun blóðs, blóðhlutavinnslu, geymslu blóðhluta, blóðflokkunum, afgreiðslu blóðhluta og gæðaeftirliti. Í Blóðbankanum starfa um 55 manns, hjúkrunarfræðingar, náttúrufræðingar, lífeindafræðingar, læknar og aðrir starfsmenn og er Blóðbankinn eini sinnar tegundar á landinu. Þar er unnið samkvæmt vottuðu gæðakerfi og er markmið allra starfsmanna að viðhalda gæðakerfinu og vinna í samræmi við hlutverk og stefnu Blóðbankans.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

• Móttaka blóðgjafa 
• Kaffistofa blóðgjafa
• Öflun blóðgjafa og markaðsstarf
• Skráning upplýsinga og vinna í gæðakerfi

Hæfniskröfur

• Góð íslenskukunnátta nauðsynleg og góður skilningur á ensku
• Góð tölvukunnátta
• Fagmennska, nákvæmni og vilji til að tileinka sér nýjungar
• Gott viðmót, stundvísi, jákvæðni og lipurð í mannlegum samskiptum
• Sterkur vilji til að standa sig í skemmtilegu og krefjandi starfi
• Þekking á starfi innan Blóðbankans er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að. 

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Öllum umsóknum verður svarað.

Starfsmerkingar: Heilbrigðisþjónusta, Sérhæfður starfsmaður, Almenn störf , 

Starfshlutfall er 100%

Umsóknarfrestur er til og með 27.03.2023

Nánari upplýsingar veitir

Ína Björg Hjálmarsdóttir
–
[email protected]

Smelltu hér til að sækja um starfið