Rannís óskast eftir sérfræðingi í fullt starf í kynningarteymi mennta- og menningarsviðs. Starfið felur í sér að viðhalda og uppfæra vefsíður og samfélagsmiðla sem stofnunin rekur og halda utanum fjölbreytt tækifæri fyrir ungt fólk í Evrópu, skipulag á kynningum í framhaldsskólum, aðstoð við framkvæmd eTwinning sem er evrópskur vettvangur fyrir rafrænt skólasamstarf og stuðningur við framkvæmd Erasmus+ áætlunarinnar á Íslandi.

Starfið felur í sér:

• Umsjón með Upplýsingastofu um nám erlendis og hérlendis og rafrænu evrópsku starfatorgi fyrir háskólafólk og vefsetrum þeirra: farabara.is, study.iceland.is og euraxess.is.
• Skipulag á reglulegum kynningum í íslenskum framhaldsskólum og umsjón með vefsetrum með upplýsingum um tækifæri í Evrópu fyrir ungt fólk (europass.is og evrovisi.is )
• Miðlun upplýsinga um eTwinning til íslenskra kennara og sjá um nýskráningar í verkefni (eTwinning.is)
• Sinna mati á umsóknum um Erasmus+ styrki

Starfsmaður þarf að vera reiðubúinn að sinna öðrum þeim störfum sem kunna að þarfnast úrlausnar á stofnuninni.

Menntunar- og hæfniskröfur:

•  Háskólapróf sem nýtist í starfi
• Þekking, reynsla og áhugi á samfélagsmiðlum og skilningur á samfélagsmiðlanotkun ungs fólks á aldrinum 16-30 ára
• Færni í notkun upplýsingatækni og vilji að tileinka sér nýja þekkingu
• Sjálfstæð og skipulögð vinnubrögð ásamt góðri samskiptafærni
• Mjög góð kunnátta í íslensku og ensku bæði tal- og ritmáli
• Góð kunnátta í Norðurlandamáli er kostur
• Metnaður til að ná árangri í starfi með því að sýna vönduð vinnubrögð, frumkvæði og veita góða þjónustu

Upplýsingar um starfið veitir Ágúst Hjörtur Ingþórsson, sviðstjóri mennta- og menningarsviðs, í síma 515 5830 eða ahi@rannis.is

Umsóknarfrestur er til og með 11. ágúst 2020. Æskilegt er að viðkomandi geti hafið störf sem fyrst.

Umsókn skal fylgja ferilskrá, kynningarbréf og afrit prófskírteina.

Tagged as: Kynningar, Samfélagsmiðlar, Upplýsingatækni