Starfsnám í utanríkisþjónustunni Fullt starf

Starfsnám í utanríkisþjónustunni

Utanríkisráðuneytið auglýsir starfsnám sem ætlað er fólki sem hefur lokið BA-, BS- eða B.Ed.-gráðu og stundar eða hefur nýlokið meistaranámi í grein sem tengist málefnasviði utanríkisþjónustunnar. 

Markmiðið er að gefa ungu fólki sem er að hefja starfsferil sinn færi á að kynnast störfum utanríkisþjónustunnar. 

Auglýst er eftir starfsnemum sem munu starfa á starfsstöð utanríkisþjónustunnar í sendiráðum Íslands í Washington og Varsjá til sex mánaða og einnig til eins árs í sendiráðunum Lilongwe, Kampala og Brussel.

Um er að ræða annars vegar sex mánaða tímabil, frá júlí til desember 2023 og hins vegar eins árs tímabil frá júlí 2023 til júní 2024. 

Helstu verkefni og ábyrgð

• Í sendiráði Íslands í Washington eru meðal verkefna samskipti við þingið, verkefni tengd Ameríkusambandinu og aðkoma að vestnorrænum dögum í Bandaríkjunum.
• Í sendiráði Íslands í Varsjá eru meðal verkefna þátttaka í opnun nýs sendiráðs, greining á tækifærum fyrir íslenska aðila í umdæmi sendiskrifstofunnar og greiningar á ástandinu í Úkraínu, sem heyrir undir sendiráðið.
• Í sendiráði Íslands í Brussel eru meðal verkefna aðkoma að formennsku Íslands hjá EFTA og almenn verkefni sem tengjast samskiptum við ESB og umsýslu EES-samningsins. 
• Á sendiskrifstofum Íslands í Afríku (Lilongwe og Kampala) er unnið að verkefnum á sviði tvíhliða þróunarsamvinnu.

Auk þess munu starfsnemar aðstoða starfsfólk ráðuneytisins og sendiskrifstofa við margvísleg málefni utanríkisþjónustunnar.

Hæfniskröfur

• BA-, BS-, eða B.Ed.- gráða eða sambærileg menntun í grein sem tengist málefnasviði utanríkisþjónustunnar og þeim málefnum sem unnið er að á tilgreindum sendiskrifstofum.
• Þjónustulund, skipulagshæfni, frumkvæði og sjálfstæð vinnubrögð. 
• Færni í mannlegum samskiptum.
• Góð kunnátta í íslensku, ensku og þriðja tungumáli.
• Kunnátta í einu Norðurlandamáli er kostur.
• Góð tæknikunnátta og færni í notkun samfélagsmiðla er skilyrði.
• Mjög góð aðlögunarhæfni.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

• Umsækjendur skulu senda inn ferilskrá (hámark 1 bls.) ásamt kynningarbréfi (hámark 1 bls.) á íslensku og einkunnum úr háskólanámi. Umsóknir þar sem kynningarbréf eða ferilskrá vantar, eða eru á erlendum tungumálum, verða ekki teknar til greina. 
• Umsækjendur skulu tiltaka í kynningarbréfi hvar þeir sæki um stöðu, í Washington, Varsjá, Lilongwe, Kampala eða Brussel. Leyfilegt er að sækja um fleiri en eina stöðu.
• Við ákvörðun um boðun í starfsviðtal verður litið sérstaklega til gæða umsóknargagna. 
• Við ákvörðun um ráðningu verður, auk framangreindra hæfnikrafna tekið mið af frammistöðu í starfsviðtali og umsagna sem aflað er. 
• Umsækjendur sem komast í aðra umferð viðtala munu þurfa leysa verkefni sem tengist störfum utanríkisþjónustunnar. 

Launakjör eru samkvæmt gildandi kjarasamningi Félags háskólamenntaðra starfsmanna Stjórnarráðsins og fjármála- og efnahagsráðherra. Starfsnám hjá utanríkisráðuneytinu er launað og þiggja starfsnemar laun skv. kjarasamningi. Um er að ræða tímabundna ráðningu til sex mánaða eða eins árs.

Umsóknarfrestur er til og með 29. mars 2023. Aðeins er tekið við umsóknum rafrænt í gegnum vefgátt Stjórnarráðsins. 

Áhugasamir einstaklingar án tillits til kyns eru hvattir til að sækja um störfin. Athygli er vakin á að umsóknir gilda í sex mánuði frá birtingu auglýsingar. Öllum umsóknum verður svarað þegar ákvörðun um ráðningu hefur verið tekin.

Hlekk á skipulag ráðuneytisins má finna hér: https://www.stjornarradid.is/raduneyti/utanrikisraduneytid/skipulag/

Starfshlutfall er 100%

Umsóknarfrestur er til og með 29.03.2023

Nánari upplýsingar veitir

Svandís Þóra Kristinsdóttir, Mannauðsfulltrúi
–
[email protected]
–
7744696

Smelltu hér til að sækja um starfið