Sumarafleysing – Sjúkraliðar og sjúkraliða/hjúkrunarfræðinemar á sjúkradeild Fullt starf / Hlutastarf

Sumarafleysing – Sjúkraliðar og sjúkraliða/hjúkrunarfræðinemar á sjúkradeild

Heilbrigðisstofnun Suðurnesja óskar eftir að ráða sjúkraliða og sjúkraliða/hjúkrunarfræðinema í afleysingarstörf á sjúkradeild. Um er að ræða vaktavinnu með möguleika á framlengingu. 

Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi. Við tökum vel á móti nýju fólki og veitum góða og einstaklingshæfða aðlögun.

Helstu verkefni og ábyrgð

Um er að ræða fjölbreytt og krefjandi starf með skemmtilegu og metnaðarfullu starfsfólki. Sjúkraliðar og nemar sinna umönnun skjólstæðinga og öðrum störfum undir stjórn og í samvinnu við hjúkrunarfræðinga. Þeir starfa samkvæmt lögum og reglugerðum um heilbrigðisstarfsmenn og markmiðum deildarinnar.

Leiðarljós HSS í þjónustu og starfi er umhyggja, fagmennska og virðing.

Hæfniskröfur

• Íslenskt sjúkraliðaleyfi eða að vera í sjúkraliðanámi/hjúkrunarfræðinámi
• Faglegur metnaður og vandvirkni
• Framúrskarandi samskiptahæfni
• Sjálfstæði í vinnubrögðum
• Hlýtt og jákvætt viðmót
• Starfsreynsla er æskileg
• Góð íslensku- og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 30.000 manns.

Starfshlutfall er 30-100%

Umsóknarfrestur er til og með 08.02.2023

Nánari upplýsingar veitir

Bryndís Sævarsdóttir
–
[email protected]
–
4220500
Ása Hrund Sigurjónsdóttir
–
[email protected]

Smelltu hér til að sækja um starfið