Innskrá
Búa til aðgang
Sumarstörf – Ráðgjafar á Bjargey meðferðarheimili
Barna- og fjölskyldustofa leitar að ráðgjöfum í sumarafleysingar á Bjargey, meðferðarheimili fyrir unglinga. Um er að ræða þrjár 100% stöður í vaktavinnu sem heyra undir forstöðumann Bjargeyjar. Starfsstöð er að Laugalandsskóla í Eyjafjarðarsveit.
Helstu verkefni og ábyrgð
- Meðferðarvinna og dagleg samskipti við unglinga.
- Samskipti við foreldra og samstarfsaðila.
- Vinna að tómstundastarfi með unglingum.
- Einstaklingsbundinn stuðningur við unglinga í meðferð, í samvinnu við stjórnendur og fagaðila.
- Umönnun og gæsla unglinga.
Hæfniskröfur
- Reynsla og/eða menntun sem að mati forstöðumanns nýtist í starfi, t.d. í meðferðar-, tómstunda- eða íþróttastarfi.
- Umsækjendur þurfa að geta tileinkað sér þá meðferðarnálgun og verklagsreglur sem unnið er eftir á Barna- og fjölskyldustofu.
- Frumkvæði og sjálfstæði í vinnubrögðum.
- Gild ökuréttindi.
Persónulegir eiginleikar
Lögð er áhersla á persónulega eiginleika, svo sem góða samskiptahæfni, sveigjanleika, jákvætt viðhorf til skjólstæðinga, líkamlegt og andlegt heilbrigði, áhuga á meðferðarstörfum og skipulögð vinnubrögð.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Athugið að meðferðarheimilið er lokað í tvær vikur yfir sumarið, frá 25. júlí til og með 7. ágúst.
Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni.
Með umsóknum skulu fylgja upplýsingar um menntun og fyrri störf. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.
Starfshlutfall er 100%
Umsóknarfrestur er til og með 20.03.2023
Nánari upplýsingar veitir
Ólína Freysteinsdóttir, Forstöðumaður
–
[email protected]
–
5308807
