Innskrá
Búa til aðgang
Sumarstörf – Ráðgjafar á Lækjarbakka
Vilt þú taka þátt í krefjandi og spennandi starfi með unglingum í sumar?
Barna- og fjölskyldustofa leitar að ráðgjöfum í sumarafleysingar á meðferðarheimilið Lækjarbakka. Um er að ræða þrjár 100% stöður í vaktavinnu. Lækjarbakki heyrir undir meðferðarsvið Barna- og fjölskyldustofu.
Helstu verkefni og ábyrgð
- Meðferðarvinna og dagleg samskipti við unglinga.
- Samskipti við foreldra og samstarfsaðila.
- Vinna að tómstundastarfi með unglingum.
- Einstaklingsbundinn stuðningur við unglinga í meðferð, í samvinnu við forstöðumann og verkefnastjóra.
- Önnur tilfallandi verkefni samkvæmt starfslýsingu og sem yfirmaður felur starfsmanni.
Hæfniskröfur
- Reynsla og/eða menntun sem að mati forstöðumanns nýtist í starfi, t.d. í meðferðar-, tómstunda- eða íþróttastarfi.
- Geta tileinkað sér þá meðferðarnálgun og verklagsreglur sem unnið er eftir á Lækjarbakka.
- Frumkvæði og sjálfstæði í vinnubrögðum.
- Geta unnið sjálfstætt og í teymi.
- Framúrskarandi hæfni í mannlegum samskiptum.
Persónulegir eiginleikar: Lögð er áhersla á persónulega eiginleika, svo sem góða samskiptahæfni, sveigjanleika, jákvætt viðhorf til skjólstæðinga, líkamlegt og andlegt heilbrigði, áhuga á meðferðarstörfum og skipulögð vinnubrögð.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Athugið að meðferðarheimilið er lokað í tvær vikur yfir sumarið, frá 24. júlí til og með 8. ágúst. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni.
Með umsóknum skulu fylgja upplýsingar um menntun og fyrri störf. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.
Starfshlutfall er 100%
Umsóknarfrestur er til og með 20.03.2023
Nánari upplýsingar veitir
Guðfinna Jenný Þorsteinsdóttir, Forstöðumaður
–
[email protected]
–
487-5163
