Sviðsstjóri kennslusviðs Háskóla Íslands Fullt starf

Sviðsstjóri kennslusviðs Háskóla Íslands

Viltu taka þátt í að móta kennslu í háskóla í fremstu röð?

Háskóli Íslands leitar eftir öflugum stjórnanda í starf sviðsstjóra kennslusviðs. Kennslusvið er eitt stoðsviða sameiginlegrar stjórnsýslu skólans. Hlutverk kennslusviðs er að hafa umsjón með sameiginlegum málefnum sem varða nám og kennslu við skólann, svo sem inntöku stúdenta, nemendaráðgjöf, kennsluskrá, stuðningi við starfsþróun kennara, innleiðingu rafrænna lausna í kennslu og fleira. Sjö einingar heyra undir sviðið og 50-60 starfsmenn starfa við það, sjá nánar á https://www.hi.is/haskolinn/kennslusvid.

Kennslusvið og sviðsstjóri starfa náið með aðstoðarrektor kennslu, öðrum lykilstjórnendum, Kennslumálanefnd HÍ, öðrum stoðeiningum, kennslustjórum og fræðasviðum skólans. Sviðsstjóri heyrir undir framkvæmdastjóra miðlægrar stjórnsýslu. 
 

Helstu verkefni og ábyrgð

Sviðsstjóri er næsti yfirmaður stjórnenda þeirra starfseininga sem heyra undir sviðið, ber ábyrgð á samþætta starf þeirra og samhæfa og styðja við kennslumál á fræðasviðum. Kennslusvið hefur faglega umsjón með reglum og málefnum sem varða kennslu og nám fyrir skólann í heild, svo sem skráningu stúdenta, nemendaskrá, mat á námi, gæðamati kennslu og próf. Sviðið hefur einnig aðkomu að innleiðingu stefnu Háskóla Íslands sem snýr að námi og kennslu, svo og stuðningi við gæði og þróun náms og kennslu við skólann.

Helstu verkefni sviðsstjóra fela m.a. í sér:

• Stýra daglegri starfssemi kennslusviðs, þ.e. rekstur þess og starfsmannamál
• Ráðgjöf og stuðningur við rektor og aðra stjórnendur á málefnasviði kennslusviðs
• Gerð fjárhagsáætlunar fyrir kennslusvið og eftirfylgni hvað það varðar
• Ábyrgð á innleiðingu þeirra aðgerða sem eru á ábyrgð kennslusviðs í tengslum við heildarstefnu Háskóla Íslands
• Vinna að þróunar- og umbótaverkefnum innan kennslusviðs

Hæfniskröfur

• Framhaldsmenntun á háskólastigi sem nýtist í starfi 
• Reynsla af starfsemi háskóla og og þekking á þróun náms og kennsluhátta á háskólastigi 
• Víðtæk reynsla af stjórnun og framkvæmd stefnumála
• Leiðtogahæfni, frumkvæði, metnaður og sjálfstæði í vinnubrögðum
• Samstarfshæfni og lipurð í mannlegum samskiptum 
• Gott vald á framsetningu efnis í töluðu og rituðu máli bæði á íslensku og ensku 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsóknir geta gilt í sex mánuði frá lokum umsóknarfrests. Æskilegt er að viðkomandi geti hafið störf sem fyrst. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%

Umsóknarfrestur er til og með 28.03.2023

Nánari upplýsingar veitir

Ragnhildur Ísaksdóttir
–
[email protected]
–
525 4355

Smelltu hér til að sækja um starfið