Talmeinafræðingur óskast á Landspítala Hlutastarf

Talmeinafræðingur óskast á Landspítala

Talmeinafræðingur óskast til starfa við talmeinaþjónustu Landspítala. Starfshlutfall er 60% og þarf viðkomandiað geta hafið störf sem fyrst eða eftirt samkomulagi. Hjá talmeinaþjónustu Landspítala fer fram fjölbreytt starfsemi við greiningu, ráðgjöf og meðferð vegna tal- og raddmeina, málstols og kyngingartregðu einstaklinga á öllum aldri. Möguleiki er á sérhæfingu innan fagsins.  

 Á deildinni starfar nú samhentur hópur 10 talmeinafræðingar sem sinna fjölbreyttum og spennandi störfum víða um spítalann. Talmeinafræðingar á Landspítala starfa gjarnan í öflugum þverfaglegum teymum og í nánu samstarfi við aðrar deildir spítalans.  

Möguleiki er á handleiðslu fyrir einstakling með MS próf í talmeinafræði án starfsleyfis en umsækjendur með starfsleyfi ganga fyrir við ráðningu. 

Helstu verkefni og ábyrgð

• Greining, meðferð og ráðgjöf vegna tal- og máltruflana  
• Greining, meðferð og ráðgjöf vegna kyngingartregðu  
• Þverfagleg teymisvinna  
• Sérhæfð verkefni sem heyra undir fagsvið talmeinafræði 

Hæfniskröfur

• Góð samskiptahæfni og fagleg framkoma  
• Hæfni og geta til að starfa í teymi  
• Faglegur metnaður og sjálfstæði í starfi  
• Frumkvæði, yfirsýn og skipulagsfærni  
• Íslenskt starfsleyfi   MS próf í talmeinafræði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að. 

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérhæfður starfsmaður

Starfshlutfall er 60%

Umsóknarfrestur er til og með 31.03.2023

Nánari upplýsingar veitir

Ester Sighvatsdóttir, Yfirtalmeinafræðingur
–
[email protected]
–
8255900

Smelltu hér til að sækja um starfið