Verkefnastjóri úrgangs- og loftlagsmála Fullt starf

Umhverfis- og mannvirkjasvið Akureyrarbæjar óskar eftir að ráða verkefnastjóra úrgangs- og loftlagsmála. Um 100% ótímabundið starf er að ræða.

Akureyrarbær er framúrskarandi sveitarfélag og jafnvel fyrirmynd annarra í umhverfismálum á mörgum sviðum. Framundan eru fjölmörg spennandi verkefni til að ná settum markmiðum sem sveitafélagið hefur sett sér.

Starf verkefnastjóra úrgangs- og loftlagsmála miðar að því að endurspegla stefnu sveitarfélagsins í úrgangsmálum sem og umhverfismálum á hverjum tíma.

Um er að ræða nýtt áhugavert starf.

Helstu verkefni eru:

• Loftlagsmál sem og aðkoma að hreinlætismálum s.s. svifryksmælum og umgengni í bæjarlandinu.
• Söfnun og greining upplýsinga sem falla undir úrgangsmál.
• Fræðsla og upplýsingargjöf.
• Önnur verkefni innan umhverfis- og mannvirkjasviðs er tengjast sérfræðiþekkingu viðkomandi starfsmanns.

Menntunar- og hæfniskröfur:

• Gerð er krafa um háskólapróf BS í umhverfisfræðum, auðlindafræðum eða sambærileg menntun sem nýtist í starfi.
• Reynsla og þekking af úrgangs- og loftlagsmálum er æskileg.
• Góð almenn tölvukunnátta er nauðsynleg, góð þekking á excel og Power BI. Hæfni til að tileinka sér nýjan hugbúnað er nauðsynleg.
• Viðkomandi þarf að búa yfir leiðtogahæfileikum og farsælli reynsla í teymisvinnu, hæfni í mannlegum samskiptum og þjónustulund. Hæfni til stjórnunar, skipulagningar, nýsköpunar og innleiðingu nýrra hugmynda og vinnubragða er kostur.
• Reynsla af verkefnastjórnun og áætlanagerð er æskileg.
• Hæfni í mannlegum samskiptum.
• Færni til að miðla upplýsingum í töluðu og rituðu máli.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Rut Jónsdóttir forstöðumaður umhverfis- og sorpmála á netfangið rut@akureyri.is eða í síma 862-4988.

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 26. mars 2023.

Starfamerkingar: Akureyrarbær, Umhverfis- og mannvirkjasvið: Verkefnastjóri úrgangs- og loftlagsmála, Verkefnastjóri