Upplýsinga- og skjalastjóri Háskóla Íslands Fullt starf

Upplýsinga- og skjalastjóri Háskóla Íslands

Laust er til umsóknar fullt starf upplýsinga- og skjalastjóra Háskóla Íslands.

Upplýsinga- og skjalastjóri Háskóla Íslands stýrir skjalasafni Háskóla Íslands sem heyrir undir skrifstofu rektors. Stjórnandinn leiðir stefnumótun á sviði upplýsinga- og skjalamála auk þess að bera ábyrgð á stjórnun, meðferð og varðveislu upplýsinga og skjala innan Háskóla Íslands. Starfsviðið nær þvert yfir öll fræðasvið og stjórnsýslu Háskólans og er veigamikill þáttur í að framfylgja gæðastefnu skólans. 

Upplýsinga- og skjalastjóri Háskóla Íslands ber ábyrgð á að innleiða og samræma skipulag og verklag við vörslu og örugga meðferð opinberra skjala og upplýsinga í takt við síbreytilegt umhverfi og öra tækniþróun. Stjórnandinn tryggir að upplýsinga- og skjalastjórnun Háskóla Íslands sé í samræmi við stefnu og framtíðarsýn skólans, innri og ytri kröfur, gæðakerfi og þau lög og reglur sem eiga við um starfsemina.

Helstu verkefni og ábyrgð

• Stýrir skjalasafni Háskóla Íslands og leiðir stefnumótun á sviði upplýsinga- og skjalastjórnunar innan  skólans
• Ábyrgð á upplýsinga- og skjalavistunaráætlun Háskóla Íslands sem afhendingarskylds aðila
• Ber ábyrgð á að upplýsinga- og skjalastjórnun samræmist innlendum og alþjóðlegum stöðlum og þeim lögum og reglum er varða opinberar stofnanir, þ.m.t. lögum um opinber skjalasöfn nr. 77/2014 og lögum um persónuvernd og vinnslu persónuupplýsinga nr. 90/2018
• Ábyrgð á skráningu, flokkun, vistun og aðgengileika skjala, upplýsinga og gagna sem tilheyra starfsemi Háskóla Íslands óháð formi
• Þróar og innleiðir verklag til hagnýtingar upplýsinga og skjala í eigu Háskólans með skilvirkni, öryggi og þægindi að leiðarljósi
• Ábyrgð á skilum á gögnum til Þjóðskjalasafns, óháð formi.
• Ábyrgð á þjónustu við notendur í anda notendamiðaðrar þjónustu, þ.m.t. þjálfun og fræðslu um upplýsinga- og skjalastjórn innan Háskóla Íslands
• Ábyrgð á daglegum rekstri, mannauðsmálum og fjármálum skjalasafns Háskóla Íslands

Hæfniskröfur

• Háskólapróf í upplýsingafræði eða skyldum greinum sem nýtast í starfi
• Reynsla af stjórnun verkefna á sviði upplýsinga- og skjalastjórnar
• Gott vald á upplýsingatækni og metnaður til að tileinka sér nýjungar í stafrænu umhverfi 
• Leiðtogahæfileikar, sjálfstæð vinnubrögð, frumkvæði og metnaður til að ná árangri
• Góð hæfni í mannlegum samskiptum
• Gott vald á íslensku og ensku, bæði í töluðu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi geti hafið störf sem fyrst, eða samkvæmt nánari samkomulagi.

Eftirfarandi gögn skulu fylgja umsókn:

• Ferilskrá
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
• Staðfest afrit af prófskírteinum
• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Starfshlutfall er 100%

Umsóknarfrestur er til og með 24.03.2023

Nánari upplýsingar veitir

Magnús Diðrik Baldursson
–
[email protected]

Smelltu hér til að sækja um starfið