VERKEFNASTJÓRI FJÖLSKYLDUMÁLA Fullt starf

Þingeyjarsveit óskar eftir að ráða öflugan aðila í fjölbreytt starf verkefnastjóra á fjölskyldusviði. Um er að ræða verkefni sem tengjast leikskólum, grunnskólum, frístundastarfi, félagsþjónustu, heimaþjónustu, málefnum eldri borgara, málefnum fatlaðs fólks og menningarmálum ásamt öðrum verkefnum sem til falla á sviðinu í samvinnu við sveitarstjóra, stjórnendur og formenn nefnda.

Helstu verkefni og ábyrgð

• Tengiliður skólaþjónustu sveitafélagsins við fræðslunefnd, sveitastjóra og sveitastjórn, eftirfylgni með stefnum og upplýsingagjöf
• Þátttaka í gerð verkferla, þróun á vinnulagi og samræmingu milli skólastiga
• Umsjón með reglum og gjaldskrá á sínu verkefnasviði
• Umsjón með þverfaglegri samvinnu og ráðgjöf til starfsfólks og stjórnenda
• Greinagerðir, styrkumsóknir og skýrslugerð í tengslum við málaflokkinn
• Undirbúningur funda og upplýsingagjöf
• Önnur verkefni í samvinnu við stjórnendur

Þekkingar- og hæfnikröfur

• Háskólapróf sem nýtist í starfi
• Reynsla af ráðgjöf og þverfaglegri teymisvinnu er æskileg
• Þekking og áhugi á verkefnum sem tengjast skólamálum
• Þekking og áhugi á verkefnum sem tengjast börnum og fjölskyldum
• Framúrskarandi hæfni í mannlegum samskiptum
• Frumkvæði, skipulagshæfileikar og sjálfstæði í vinnubrögðum
• Hæfni til að tjá sig í ræðu og riti og setja upplýsingar fram á skipulagðan og lifandi hátt

Þingeyjarsveit er víðfeðmt sveitarfélag og þar er að finna nokkrar af helstu náttúruperlum þjóðarinnar. Atvinnustarfsemi er fjölbreytt um allt sveitarfélagið og mannlífið blómlegt. Stuttar vegalengdir til þéttbýlissvæða Akureyrar og Húsavíkur. Þjónustustigið er hátt í sveitarfélaginu, þar eru m.a. reknir þrír grunnskólar og fjórir leikskólar auk Framhaldsskólans á Laugum. Þingeyjarsveit er ákjósanlegur búsetukostur fyrir þá sem kjósa gott mannlíf, friðsæld í fagurri sveit með nálægð við stóra þéttbýlissaði.

Umsóknarfrestur er til og með 3. febrúar 2023

Sótt er um starfið á www.mognum.is

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita Sigríður Ólafsdóttir; sigga@mognum.is og

Telma Eiðsdóttir; telma@mognum.is.