Verkefnisstjóri í starfsmannaþjónustu Félagsvísindasviðs Háskóla Íslands Fullt starf

Verkefnisstjóri í starfsmannaþjónustu Félagsvísindasviðs Háskóla Íslands

Laust er til umsóknar fullt starf verkefnisstjóra í starfsmannaþjónustu á Félagsvísindasviði Háskóla Íslands. 

Ef þú ert kraftmikill, skipulagður og þjónustulundaður einstaklingur sem brennur fyrir því að þróa nýjar leiðir og hefur gaman af samskiptum við fólk þá gæti þetta starf verið fyrir þig.

Starfssvið verkefnisstjórans felst í samskiptum og þjónustu við starfsfólk Félagsvísindasviðs og teymisvinnu innan stjórnsýslu sviðsins og innan HÍ.
 

Helstu verkefni og ábyrgð

• Gerð ráðningarsamninga og eftirfylgni.
• Umsjón með móttökuferli nýs starfsfólks og umsjón með starfslokum.
• Seta í miðlægum fræðsluhópi HÍ og eftirfylgni fræðslumála innan Félagsvísindasviðs.
• Teymisvinna við ýmis starfsmannatengd verkefni innan Félagsvísindasviðs og HÍ.
• Þátttaka í verkefnum um vinnustaðamenningu.
• Þátttaka í gæðastarfi og ferlavinnu.
   

Hæfniskröfur

• Háskólapróf sem nýtist í starfi, t.d. á sviði félagsvísinda eða sambærilegt.
• Reynsla af sambærilegu starfssviði.
• Ríkir samskiptahæfileikar, þjónustulund og hæfni til að vinna í teymi.
• Góð almenn tölvufærni og áhugi á að tileinka sér nýjungar.
• Gott vald á íslensku og ensku í töluðu og rituðu máli.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
• Staðfest afrit af prófskírteinum
• Upplýsingar um umsagnaraðila

Æskilegt er að umsækjandi geti hafið störf sem fyrst. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands  

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 300 bestu háskóla heims samkvæmt nýjum matslista Times Higher Education.

Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er mikil áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Starfshlutfall er 100%

Umsóknarfrestur er til og með 30.01.2023

Nánari upplýsingar veitir

Sigríður Björk Gunnarsdóttir, Rekstrarstjóri Félagsvísindasviðs
–
[email protected]

Smelltu hér til að sækja um starfið