Verkefnisstjóri í vefteymi Háskóla Íslands Fullt starf

Verkefnisstjóri í vefteymi Háskóla Íslands

Háskóli Íslands óskar eftir því að ráða í tímabundið starf verkefnisstjóra í vefteymi skólans. Ráðning er til eins árs. Um er að ræða tímabundið verkefni á styrk. Verkefni tengjast átaki við innleiðingu á nýjum vefjum skólans. 

Hlutverk markaðs- og samskiptasviðs er að miðla upplýsingum til markhópa, innra og ytra samfélags, um fjölbreytta og mikilvæga starfsemi Háskóla Íslands, m.a. á sviði kennslu, náms, rannsókna og nýsköpunar. Markaðs- og samskiptasvið leiðir rekstur á öllum helstu vefsvæðum Háskóla Íslands og sér um vinnslu og útgáfu á stórum hluta þess kynningarefnis sem skólinn sendir frá sér.

Helstu verkefni og ábyrgð

• Gæðaeftirlit með vefjum
• Aðstoð við uppsetningu Drupal og Word Press vefja
• Aðstoð við þarfagreiningar
• Lagfæringar og leiðréttingar
• Skipulagning og undirbúningur fjölbreyttra verkþátta í vefmálum
• Önnur tilfallandi verkefni

Hæfniskröfur

• Þekking og reynsla af vefmálum.
• Reynsla af uppsetningu vefja í Drupal.
• Reynsla af uppsetningu vefja í Wordpress.
• Kunnátta á Siteimprove er kostur.
• Samstarfshæfni og lipurð í mannlegum samskiptum.
• Hæfni til að vinna sjálfstætt og í teymi.
• Menntun sem nýtist í starfi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókn:

• Ferilskrá.
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess.
• Staðfest afrit af prófskírteinum.
• Upplýsingar um umsagnaraðila.

Viðkomandi þarf að geta hafið störf sem fyrst. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. 

Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er í fararbroddi íslenskra háskóla og virkur þátttakandi í alþjóðlegu vísinda- og fræðasamfélagi. Árangur skólans á síðustu árum hefur skipað honum í fremstu röð á heimsvísu samkvæmt viðurkenndum alþjóðlegum mælingum. Háskólinn er einn stærsti og öflugasti vinnustaður landsins. Þar eru um 13 þúsund nemendur og hartnær 1.500 fastráðnir einstaklingar í fjölbreyttum störfum, s.s. við kennslu, í rannsóknum og stoð- og stjórnsýslustörfum. Auk þess eru um 2.400 stundakennarar og lausráðnir starfsmenn hjá HÍ. 

Starfsánægja er mikil innan HÍ og starfsandi góður. Starfsfólk telur sig vera í góðri aðstöðu til að þróast í starfi. Þetta kemur fram í nýlegum könnunum. 

Háskólinn leggur ríka áherslu á lifandi og fjölskylduvænt starfsumhverfi, jafnrétti, lýðræðisleg vinnubrögð og tækifæri til starfsþróunar.

Starfshlutfall er 100%

Umsóknarfrestur er til og með 30.01.2023

Nánari upplýsingar veitir

Anna María Einarsdóttir, Vefstjóri
–
[email protected]

Smelltu hér til að sækja um starfið